Ŋikiru. 6:10 - Ebaibul

¹⁰ Irumete ŋileec ŋimoe kaŋ daadaŋ ka eari ekabule; eboŋorete ikes ka alotooma apaki ŋina euruwuana, isurumyo ikes ŋileec.

Ŋikiru. 6:10 Iomraidhean Croise

2 Ŋirw. 20:5

“Toboŋo tolimok Esekia ŋolo epolokinit ŋituŋa kaŋ atemar ebala Ekapolon ŋolo erae Akuj a papaa kon a Daudi ebe, ‘Adau ayoŋ akiirar akigworo kon ka aanyun ŋakiyo kon; eketaŋaleuni ayoŋ iyoŋ. Kelunyar ŋirwa ŋiuni ameun akoloŋit na, ilosi iyoŋ tooma Akai ka Akuj.

Yob 6:29

Totamatamata nabo, ekelipit ayoŋ iyes, nyicamakis ŋuna nyiyookino kitiyakin. Totamatamata tokona, eriŋa akiyookino kaŋ ikoni nenipei sek.

Ŋikiru. 112:10

Ani iŋolikinete ŋulu aronok ŋun, toŋoa; toryenyaakyata imanito ŋulu iyookino, ido torotokis; emam ibore ipei daŋ iyookino anacamit a ŋulu aronok.

Ŋikiru. 132:18

Esurumi ayoŋ ŋimoe a erwosit a ŋol ŋileec, nai apukan keŋ, elosi kiŋaren ejok ka egogoŋior.”

Ŋikiru. 2:5

Iŋenyakini nai Ekapolon ikes anaŋoit, ido itubuli ikes ananyunyura keŋ tema,

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Ŋikiru. 5:10

Okoe Akuj, totubok ka kisican ikes; kimyek ikes tomunyaros make anakiro a ŋuna etukete ikes akitiya. Aŋuna aseciata ikes nooi, kirita ikes nariet, anerae ikiŋero ikes iyoŋ.

Ŋikiru. 55:20

Isiiryae erukitos kaŋ ŋikonei keŋ ido aŋer iŋes ŋuna sek acamuna ikes akiwuap.

Ŋikiru. 7:6

Okoe Ekapolon, kitoodiu kare ca aŋoit kon; kitoodiu aŋoit kon aŋuna ka aryenyeo a ŋimoe kaŋ. Okoe Akuj kaŋ, bua kiŋarakinae ayoŋ, totub ŋakiro anakiyookino lopite ŋolo icamitor iyoŋ.

Ŋikiru. 71:13

Elipi kisurumae ŋileec ka tomunyarae ŋulu ekesitakinito ayoŋ; elipi tojamuwarae ka tokyenare ŋulu iwarito akiwan ayoŋ.

Ŋikiru. 71:24

Erwori ayoŋ apaaran jwii ŋuna ka akiŋarakinet kon a ŋina iyookino, anerae adaun akisurum ŋileec ka ajamuwar ŋulu ekatakinito akiwan ayoŋ.

Ŋikiru. 73:19

Emunyaryo ikes atipei, emunyaryo ikes toŋopiyasi jik.

Ŋikiru. 86:17

Kitoodikinae ayoŋ ajokis kon, ikotere ŋimoe kaŋ iŋolikinete, ido kiruma ŋileec, anerae iyoŋ, okoe Ekapolon, ikiŋarak ayoŋ ka isirworiu ayoŋ.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.