Ŋikiru. 59:16 - Ebaibul

¹⁶ Nai aeikini ayoŋ etojokit agogoŋu kon, aeikini ayoŋ a ŋinataparacu nooi etojokit amina kon ŋina nyiryaŋiryaŋa; anerae irae iyoŋ aduketait kaŋ ŋinajiet, neni kon aiunor ayoŋ anapakio a ŋuna a ŋican.

Ŋikiru. 59:16 Iomraidhean Croise

2 Sam. 22:3

Akuj kaŋ, ataaba kaŋ ŋinakiupala, neni kon iŋes aiunor ayoŋ, iyoŋ irae aupal kaŋ ka akaiunan kaŋ ŋina etiron, neni kon iŋes ayakaun ayoŋ pa eryaŋiryaŋa, neni kon iŋes aŋopya ayoŋ, iyoŋ irae akaiunan kaŋ, ibu iyoŋ ikiu ayoŋ aneni a ŋaryenyaanisya.

Yob 15:23

Irimito ikes neni alwanan iwarito akimuj ebasi, ‘Ai mono daŋ ikiryamunia akimuj?’ Eyenete ikes atemar aapuu akoloŋit ŋina iridakiniata;

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Ŋikiru. 101:1

Aeikini ayoŋ ŋuna ka amina ka akiyookino kon, aeikini ayoŋ neni kon, okoe Ekapolon.

Ŋikiru. 106:8

Kikote neni daŋ, abu Akuj toiu ikes aŋuna ke ekiro keŋ, ikotere Akuj iteyenuni apedori keŋ ŋina etiron.

Ŋikiru. 138:7

Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

Ŋikiru. 143:8

Kimyekinae ayoŋ a ŋinataparacu eira ŋuna ka amina kon a ŋina nyiryaŋiryaŋa, anerae ekekinyomit ayoŋ iyoŋ. Kitoodikinae ayoŋ ŋuna emaikina ewuap, anerae neni kon iŋes elipi ayoŋ.

Ŋikiru. 145:11

Irworete ŋuna ka apolou a apukan kon, irworete ŋuna ka apedor kon,

Ŋikiru. 21:13

Ikipuri isua iyoŋ okoe Ekapolon, aŋuna ka agogoŋu kon a ŋina apolon nooi; ikieikini ka ikipuri isua apedor kon.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 31:7

Alakar ayoŋ ka alelyani aŋuna ka amina kon a ŋina nyiryaŋiryaŋa, anerae ibu iyoŋ kiŋolik ŋican kaŋ ka ibu ikiŋarak ayoŋ anaryeba.

Ŋikiru. 36:5

Okoe Ekapolon, eyai amina kon ŋina nyiryaŋiryaŋa, eyai akikinyoma kon kidiama.

Ŋikiru. 4:1

Okoe Akuj akaiunan kaŋ, toboŋokinoe ayoŋ akanyarae iyoŋ. Ibu iyoŋ ikiŋarak ayoŋ apaki ŋina ayakar locan, torimaanikinae ayoŋ tokona, kiira akilip kaŋ.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Ŋikiru. 5:3

Okoe Ekapolon, ipupi iyoŋ etoil kaŋ a ŋina taparacu; akalimonokini ayoŋ iyoŋ a ŋina taparacu ŋuna acamit, ido edarununui egeno atemar aryamuni.

Ŋikiru. 77:2

Apaki ŋina ayakar ayoŋ locan, abu ayoŋ elip neni a Ekapolon; akuwar kya, abu ayoŋ elip ekyaarit ŋakan kaŋ, ido abu etau kaŋ nyisirworiun.

Ŋikiru. 86:13

anerae epol nooi aŋuna kaŋ amina kon ŋina nyiryaŋiryaŋa; idau iyoŋ alakun ayoŋ anakibois a ŋikatwak.

Ŋikiru. 88:13

Nai ekekaloik ayoŋ iyoŋ, okoe Ekapolon; elipi ayoŋ neni kon a ŋinataparacu.

Ŋikiru. 89:1

Okoe Ekapolon, aeikini ayoŋ ŋikaru ka ŋikaru ŋuna ka amina kon a ŋina nyiryaŋiryaŋa; eserae ayoŋ ŋuna ka akikinyoma kon neni a ŋanyameta a daadaŋ.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Ŋirom. 15:9

Etiyae iŋes ŋun ikotere ipurete ŋituŋa ŋulu nyerae Ŋiyudayan Akuj aŋuna ka akisyon keŋ. Ikwaŋina igiritere Nakigireta ebe; “Aŋun, eketalakari ayoŋ iyoŋ aneni a ŋulu nyerae Ŋiyudayan. Ayeikini ayoŋ, ido epur ekiro kon.”

2 Ŋikor. 1:10

Erae iŋes abu itoiu isua anatwanare a ŋina ikoni ŋin ka ikiuni iŋes isua nabo; ikiwuakinit isua akigeno kosi neni keŋ: ikiuni iŋes isua nabo.

Ŋiep. 3:20

Epedori Akuj akitiya alotooma yok ŋuna alalak nooi akilo daadaŋ ŋuna ikipedori iwon akilip iŋes kori ŋuna ikitami iwon atemar ikitiyakini. Itiyae iŋes ŋun anapedor a ŋina itiyae alotooma yok.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”