Ŋikiru. 58:2 - Ebaibul

² Mam, itamete iyes alotai kus akitiya ŋuna nyiyookino. Itiyaete ŋakan kus ŋakiro ŋuna ka aryenyeo anakwap.

Ŋikiru. 58:2 Iomraidhean Croise

Ŋikiru. 21:11

Ani keyeta ikes ŋuna aronok aŋuna kon, ani ketuko ikes akiwan iyoŋ, nyitiyakin ŋuna etukete ikes akitiya;

Ŋikiru. 82:1

Eboikin Akuj nakibois keŋ kaapei ka atukot ŋina a ŋisubuna a ŋulu anakuj ikwapei ekatubon ŋakiro, etubonokini iŋes anatukot a ŋisubuna a ŋulu eya nakuj.

Ŋikiru. 94:20

Epedorete mono ŋikepukak ŋulu aronok akiri ka iyoŋ, ŋikepukak ŋulu nyiwuapito ŋikisila a?

Ekal. 3:16

Abu nabo ayoŋ eŋolik anakwap a na atemar akilo atubonokin anakiyookino, etubonokinete ŋituŋa ŋuluce anaronis ka akilo akitiya ŋuna iyookino, itiyaete ŋituŋa ŋuna aronok.

Isa. 10:1

Ekaŋ iyes ŋulu iyeete ŋikisila ŋulu nyiyookino, iyes ŋulu igirete ŋakiro ŋuna isicanere ŋituŋa,

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Mal. 3:15

Ikwapei tokona ikiteo iwon, erae ŋiketurok ikes elakara; kire ebareneneete ŋituŋa ŋulu itiyaete aronis, itemeneneete tari Akuj, ido erubanakinete eyarete. ”