Ŋikiru. 56:8 - Ebaibul

⁸ Iyeni iyoŋ epite ŋolo ekelolikinitere ayoŋ; iyeni iyoŋ etyae ŋolo a ŋakiyo kaŋ, emam mono ikes alokitaabo kon a?

Ŋikiru. 56:8 Iomraidhean Croise

2 Ŋirw. 20:5

“Toboŋo tolimok Esekia ŋolo epolokinit ŋituŋa kaŋ atemar ebala Ekapolon ŋolo erae Akuj a papaa kon a Daudi ebe, ‘Adau ayoŋ akiirar akigworo kon ka aanyun ŋakiyo kon; eketaŋaleuni ayoŋ iyoŋ. Kelunyar ŋirwa ŋiuni ameun akoloŋit na, ilosi iyoŋ tooma Akai ka Akuj.

Yob 16:20

Akajamuwarito ayoŋ ŋikonei kaŋ; ebwaliyasi ŋakiyo ŋakonyen kaŋ adyekit Akuj ekeŋarak ayoŋ.

Ŋikiru. 121:8

Ikidari Ekapolon iyoŋ apaki daadaŋ ŋina ilomarya kiŋa, kori ilomunia tooma; ameun tokona ka ŋikaru ka ŋikaru.

Ŋikiru. 139:16

Aris iyoŋ kikiŋolik ayoŋ eriŋa ayoŋ nyidouno. Aris kigiri lokitaabo ŋirwa daadaŋ ŋulu ekemarakinitae ayoŋ, eriŋa tari apei daŋ nyimarakina.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 18:23

Okoe Ekapolon, iyeni iyoŋ atemar atukut ikes akiar ayoŋ. Nyisyon ikes anasecit kec, nyiesik akisican ikes aŋuna ka asecit kec. Kimyek kilounae ikes alokiŋaren kon; kisican ikes apaki ŋina iŋoitor iyoŋ.”

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Mat. 10:30

Nai tari ŋitim daadaŋ anakyes kus imaritae.

2 Ŋikor. 11:26

Analosit kaŋ ŋarwa ŋuna alalak, abu omin kidiŋ aronis ŋina a ŋaŋololin a ŋuna aleleete ka aronis ŋina a ŋikademanarak, aronis ŋina a Ŋiyudayan a ŋulu pei erae ŋikaatuŋa ka ŋina a ŋituŋa a ŋulu nyerae Ŋiyudayan; ayai aronis lotaunio, nariet, aronis ŋina a ŋanamyo ka aronis ŋina a ŋikonei a ŋulu alyokonok.

Ŋibur. 11:13

Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Ŋibur. 11:38

Ajokak ŋituŋa ŋul nooi, pa etemokino eyakasi nakwap. Apotu ikes kirimo analoŋisae ka alokamukumukui esibito ŋikadoiunok a iwace, eboiyete anaturukanin ka anaduyon.

Ŋibur. 11:8

Anupit iŋes ewuapakinia Aburaam ŋakiro ŋuna ka Akuj apaki ŋina anyaraa Akuj iŋes alosit nakwap ŋina eikinit Akuj ainakin iŋes. Toesik iŋes akwap keŋ, pa eyeni neni alosi.

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”

1 Sam. 19:18

Tolot Daudi tosi Rama neni a Samuel, tolimok Daudi Samuel ŋakiro daadaŋ ŋuna etiya Saul neni keŋ. Toloto iŋes ka Samuel kiboiyosi Naios.

1 Sam. 27:1

Abu Daudi totamatama alotau keŋ tema, “Epedori Saul akiar ayoŋ apeikoloŋit ŋirwa lupei lu. Ŋuna emaikina ayoŋ etiya iŋes akisii nakwap a Ŋipilistin; oeka aneni a Saul, ikotere nai eupi Saul akiwarit ayoŋ tooma akwap a Isirael.”