Ŋikiru. 56:13 - Ebaibul

¹³ anerae ilaku iyoŋ akiyar kaŋ anatwanare, nyimyekina iyoŋ ayoŋ ekelounio. ikotere ayoŋ alosi alokiŋaren kon; Akuj anakica a ŋin ecaikinit ŋulu eyarete.

Ŋikiru. 56:13 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Yob 33:30

aŋuna ka akinyakun akiyar kec anakibois a ŋikatwak, ikotere ŋituŋa elelyanete aŋuna eyaryata.

Ŋikiru. 145:14

Iŋarakini Ekapolon ŋulu eyakasi locan, iŋaranakini daadaŋ ŋulu adaun akitapapanun.

Ŋikiru. 17:5

Ewuapit ayoŋ ŋikukus kon jik; nyeoliyoro ayoŋ alorot kon.

Ŋikiru. 49:15

Nai elakuni Akuj akiyar kaŋ anapedor a ŋina ka atwanare; anerae akayai iŋes ayoŋ neni eyai iŋes.

Ŋikiru. 94:18

Ŋinibore abunio ayoŋ otamakinia ebe, “Akaapiki ayoŋ atwanare,” ibu iyoŋ okoe Ekapolon, anamina kon a ŋina nyiryaŋiryaŋa ikiu ayoŋ.

Isa. 2:5

Okoe ŋituŋa a Yakob. potu ewuapa ŋuna ikilimokinit Ekapolon!

Isa. 38:3

“Okoe Ekapolon, totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator ayoŋ neni kon ejok.” Kigwor Esekia nooi.

Ŋilep. 23:38

Erae ŋasuban ŋun ŋuna iyatakina nasuban ŋuna a Sabato, a akoloŋit a ŋina ke Ekapolon ka erae ŋainakineta ŋun ŋuna iyatakina nainakineta kus, nainakineta daadaŋ ŋuna idaut iyes akiikin ainakin Ekapolon ka ŋainakineta kus daadaŋ ŋuna itemunete iyes anacamit kus.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

2 Ŋikor. 1:10

Erae iŋes abu itoiu isua anatwanare a ŋina ikoni ŋin ka ikiuni iŋes isua nabo; ikiwuakinit isua akigeno kosi neni keŋ: ikiuni iŋes isua nabo.

1 Ŋites. 1:10

nabo, irworosi epite ŋolo idaritotor iyes Lokoku keŋ bu anakuj--Yesu ŋolo abu iŋes kiteyaru alokatwak ŋolo ikiuni iwon ananyunyura a ŋina ebunit aneni ka Akuj.

Ŋibur. 2:15

Alopite a ŋol abu Yesu tolacaki ŋulu arae ŋipi anakiyar kec a daadaŋ, aŋuna akeritotor ikes atwanare.

Yak. 5:20

toyenutu nu: ituŋanan ŋini inyakuni ekasecan alopitesyo keŋ a ŋulu aronok, eiuni iŋes etau ŋolo ke ekasecan a ŋol anatwanare ka erapuwar ŋasecisya ŋuna alalak.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.