1 Okoe Akuj, topupok akilip kaŋ, nyiwou akiŋarakin ayoŋ.
Okoe Ekapolon, toboŋokinoe ayoŋ atipei; apapanu ayoŋ. Nyiwua ereet kon aneni kaŋ, ani kiwua iyoŋ ereet kon, ayakaun ayoŋ nakibois a ŋulu adaut atwakare.
Okoe Ekapolon, topupok kare ca ŋakiro kaŋ nu ŋuna iyookino; kiira kare ca akigworo kaŋ; kiira akilip kaŋ ŋina elipi ayoŋ emam alyokonu.
Nyikiesik ayoŋ, nyikiesik ayoŋ eketiyan kon aŋuna ka aŋoit kon, iyoŋ ibu toruwor ekeŋarakiniton kaŋ. Nyikiŋer ayoŋ, nyikimyek ayoŋ, okoe Akuj kaŋ, akaiunan kaŋ!
Okoe Ekapolon, akanyarit ayoŋ iyoŋ; ekaiunan kaŋ, nyiŋer akiirar ŋakiro kaŋ, anerae ani kikililiŋ iyoŋ ayoŋ, ayakaun ayoŋ neni a ŋulu adaut atwakare.
Okoe Ekapolon, kiira ŋakiro kaŋ; kiira ŋakiro ŋuna aumenio ayoŋ nooi anaryeba kaŋ.
Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon.
Okoe Akuj, kiira akigworo kaŋ; topupok akilip kaŋ.
Okoe Akuj, kiirarae ayoŋ, anakiŋuruŋura kaŋ; toiunae ayoŋ alomoe kaŋ a ŋulu ekemanito ayoŋ.
Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,
Okoe Ekapolon Akuj ŋina a ŋajoresyo, apaki ŋina etya ai irubakinia iyoŋ iŋoit iwounit aboŋokin ŋakilipeta a ŋituŋa kon?
Okoe Ekapolon Akuj ŋina a ŋajoresyo, kiira akilip kaŋ; topupokinae, okoe Akuj a Yakob.
Okoe Ekapolon, Kiira akilip kaŋ; topupok akigworo kaŋ aŋuna ka akiŋarakino.
ibu iyoŋ kiira adyekitoi kaŋ ŋina abaakar, ‘Nyiwou akiirar ŋakiro kaŋ ŋuna ekegworonokinio iyoŋ ikiŋarak ayoŋ.’
Tari kanyaraanar ka kegworo aŋuna ka akiŋarakino, eŋerit Akuj akilip kaŋ;
Anerae iteete ŋakonyen ke Ekapolon ŋulu iyookino ka epupete ŋaki keŋ ŋakilipeta kec; nai enyorididi ereet ke Ekapolon ite ŋulu itiyaete ŋuna aronok.”
