Ŋikiru. 54:5 - Ebaibul

⁵ Elipi ayoŋ kinyaŋa iŋes ŋakiro a ŋimoe kaŋ aŋuna ka aronis kec. Anakiyookino keŋ emunyari Akuj ikes.

Ŋikiru. 54:5 Iomraidhean Croise

Ŋikiru. 137:8

Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

Ŋikiru. 143:1

Okoe Ekapolon, kiira akilip kaŋ, topupok akigworo kaŋ aŋuna ka akiŋarakino! Alotooma akikinyoma ka akiyookino kon, toboŋokinoe ayoŋ.

Ŋikiru. 143:12

Alotooma amina kon ŋina nyiryaŋiryaŋa, toar ŋimoe kaŋ; tomunya daadaŋ ŋulu akaremokino ayoŋ, anerae arae ayoŋ eketiyan kon.

Ŋikiru. 27:11

Okoe Ekapolon, kitatamae ayoŋ ŋuna icamit iyoŋ ayoŋ ewuap, kisiwuapae ayoŋ ŋuna iyookino alokiŋaren kon, anerae elalak ŋimoe kaŋ.

Ŋikiru. 31:23

Tominakisi Ekapolon, iyes daadaŋ ŋulu inupito neni ka Akuj. Iuryarit Ekapolon ŋulu ikinyomito iŋes, nai isicaneneene ŋiketurok alopite a ŋolo emaikina kisicanere ikes.

Ŋikiru. 5:8

Okoe Ekapolon, aŋuna a ŋimoe kaŋ, kitenae ayoŋ alotooma akiyookino kon. Kisidiiri erot kon alokiŋaren kaŋ.

Ŋikiru. 86:14

Okoe Akuj, akalosikinito ayoŋ ŋiketurok; iwarit ajore a ŋikaryenyaanak akiar ayoŋ; erae ikes ŋituŋa ŋulu nyikimisito iyoŋ.

Ŋikiru. 89:49

Okoe Ekapolon, ai mono etor amina kon ŋina nyiryaŋiryaŋa ŋina paaran, ŋina ibu iyoŋ anakikinyoma kon kiik Daudi?

Ŋikiru. 94:23

Isicani Akuj ikes aŋuna a ŋasecisya kec, emunyari Akuj ikes aŋuna ka aronis kec; emunyari Ekapolon Akuj yok ikes.

2 Tim. 4:14

Abu Alekisanda ŋolo etyekan ŋasuwa kitiya ŋaronisya ŋuna alalak neni kaŋ. Etacakini Ekapolon iŋes ŋuna eriyan ka ŋuna abu iŋes kitiya.

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.