Ŋikiru. 52:1 - Ebaibul

¹ Kaanukiro ituror iyoŋ aŋuna ka aronis, iyoŋ ekile lo ŋolo igogoŋ akilo? Erae Akuj ŋina esyonion ŋikaru ka ŋikaru.

Ŋikiru. 52:1 Iomraidhean Croise

Ŋikiru. 10:7

Ileleba ŋilam nakituka kec ka amodiyo ta adedeŋu; etenito ikes a ŋinapaki alimun ŋakiro ŋuna etidiŋakinak ka ŋuna aronok.

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 107:1

Tolakaros neni ke Ekapolon, anerae ejok iŋes; erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 54:3

anerae eketijiete ayoŋ ŋigelaanotin; iwarito ŋiryenyaanotin alemar akiyar kaŋ, ŋituŋa ŋulu nyikimisito iyoŋ Akuj.

Ŋikiru. 59:7

Kiira iyoŋ epite ŋolo iorooto ikes, irworosi ŋakiro ŋuna apipilak, etamete ikes atemar kori emam ituŋanan epupi ŋakiro kec.

Ŋikiru. 7:14

Kiŋolikisi epite ŋolo etamyata ŋituŋa ŋuna aronok, eyeete ikes ŋican, ido irworosi ŋuna ka amodiyo.

Ŋikiru. 94:4

Irworosi ikes ŋakiro ŋuna ka akituro; iturosi ŋulu itiyaete aronis daadaŋ.

Awos. 22:9

“Ŋiburasyo ŋuluce daadaŋ ŋulu iburaata ŋituŋa aŋuna kerae ke emoŋ, a esigirya, a amesek ka a ŋilowi, kori aŋuna a ibore a ice a ŋini ecakara, a ŋini ebala ipei, ‘Erae ibore en ŋini kaŋ,’” emaikina ebura ŋol yaarae neni a ŋikatubok. Ani ŋini eryamunete ŋikatubok edyakarit, emaikina ŋin totac ŋinice a ŋiboro, kori a ŋibaren a ŋiarei aŋuna a ipei.

Ŋakit. 6:14

ileleba ŋileec lotau keŋ ka etuki a ŋinapaki akitiya aronis, isyaanakini a ŋinapaki akisigurokin ŋituŋa.

Ŋakit. 6:18

ŋituŋa ŋulu etukete alotai kec akitiya aronis, ŋituŋa ŋulu iburiburete akiem akitiya aronis,

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Yer. 41:4

Akoloŋit ŋina atupakini akoloŋit ŋina aarere Gedalia, eriŋa idiotuŋanan nyeyanyuna ŋakiro ŋun,

Yer. 9:8

Ekudito ikes ŋaŋajepa kec ikwa akau a ŋikaleŋeleŋe, irworosi ŋaŋajepa kec alyokonu jik, irworosi ikes daadaŋ ŋakiro ŋuna ka akoneo neni a ŋikidunyet kec, nai alotai kec eyeete ikes ŋuna ka adapun ŋikidunyet kec.

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

Ŋirom. 1:30

Itoroniarito ŋuluce alorworisya kec make, eŋerito Akuj, itoŋoyeneneete ŋuluce, isupaka, ituroko, etamete ŋarwa ŋuna alalak akitiya aronis, nyekerito ikes ŋikecekauruunak.

2 Tim. 3:2

Eruworosi ŋituŋa ŋulu eseguwaka, erorokaka alosiliŋa, ituroko ka isupaka; eruworosi ŋulu itoŋoyeneneete ŋuluce, ŋulu nyekerito ŋikauruunak kec, ŋulu nyetemarete alakara ka ŋulu nyesegak alotai;

1 Sam. 21:7

Akoloŋit ŋin, ayai nen eketiyan a Saul epei, ŋolo esidoŋitoe nen akitiya etic a Ekapolon. Anyaritae ekiro keŋ Doeg, ido abunit iŋes alo Edom ka arae iŋes ekapolon a ŋikeyokok ŋibaren a Saul.