Ŋikiru. 51:4 - Ebaibul

⁴ Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Ŋikiru. 51:4 Iomraidhean Croise

Akisy. 20:6

Tolimok Akuj iŋes anakiruja tema, “Ee, ayeni ayoŋ atemar ibu iyoŋ kitiya ŋun iyeni atemar iyookinit ka abu ayoŋ ekeretak iyoŋ nyisec aneni kaŋ. Aŋakiro a ŋun, abu ayoŋ nyakacamak iyoŋ itapi iŋes.

Akisy. 38:7

Nai, arae Er lokoku a Yuda ŋolo apolon edya ŋolo arono alokiŋaren Ekapolon, ido abu Ekapolon toar iŋes.

Akisy. 39:9

Mam ituŋanan epol alokai a na akilo ayoŋ, mam ibore ŋini nyeinakina iŋes neni kaŋ mati iyoŋ bon; anerae irae iyoŋ aberu keŋ. Ekokini nai ayoŋ etiyae ŋakiro ŋuna aronok ŋun ai, osec alokiŋaren Akuj?”

Akisy. 9:6

Iŋes ŋini ebukori ŋaokot a ituŋanan, ituŋanan pei ebukori ŋaokot keŋ daŋ, anerae abu Akuj tosub ituŋanan eyakar ŋasima keŋ.

2 Ŋirw. 17:17

Esitoreneneete ikes ŋisapa kec ka ŋapesur kidiŋ akim. Elamilamete ikes ka ekukujaete, nabo agyelanarosi aŋuna ka akitiya aronis alo kiŋaren Ekapolon, aŋun apotu ikes kitoŋoa Ekapolon.

2 Ŋirw. 21:6

Toar lokoku keŋ tope erae amuronot. Adwarenene iŋes, nabo torae emuron; alosenene lomurok ka lolilae. Tosec iŋes nooi aneni ke Ekapolon kitoŋo iŋes Ekapolon.

Ŋikiru. 50:4

Enyarit iŋes nakuj ka akwap, kiŋolikisi epite ŋolo etubio iŋes ŋakiro a ŋituŋa keŋ.

Ŋikiru. 50:6

Elimorit nakuj akiyookino ka Akuj ka atemar Akuj alope erae akatubon ŋakiro.

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Ŋilep. 5:19

Erae ainakinet ŋin aŋuna ka asecit a ŋina abu iŋes tosec alokiŋaren Ekapolon.”

Luk. 15:21

Tolimok edya ŋol papa keŋ tema, ‘Papa, asec ayoŋ alokiŋaren Akuj ka alokiŋaren kon; nyitemokino nabo ayoŋ okanyarae lokoku kon.’

Luk. 7:29

(Ani iirarete ŋituŋa daadaŋ ka ŋikerirak ocur ŋakiro ŋun, tocamut atemar itiyae Akuj ŋuna iyookino, anerae ebatisatae ikes ke ebatisimu a Yoana.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

Ŋirom. 3:4

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Yak. 2:11

Anerae Akuj ŋinapei elimunit atemar, “Nyilom,” iŋes pei ebala “Nyiar.” Tari pa kilom iyoŋ, nai toar, ibil ekisil.

Yak. 2:9

Nai ani kityakatyakato iyes ŋituŋa, isecito iyes ka ikitubokinete iyes Ŋikisila ikwa ŋulupei ebilito ekisil.

Akis. 16:5

Eira emalaika ŋolo apolokinit ŋakipi ebala neni ka Akuj, “Itubok iyoŋ iyookino, iyoŋ ŋina Asegan, ŋina irae ka ŋina arae!

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.