Ŋikiru. 51:14 - Ebaibul

¹⁴ Okoe Akuj, akaiunan kaŋ nyikimyek ayoŋ oruwor ekaaran, okoe Akuj ŋina irae aiuno kaŋ, aeikini ayoŋ ŋuna ka akiyookino kon.

Ŋikiru. 51:14 Iomraidhean Croise

Akisy. 42:22

Kiŋit nai Ruben ikes tema, “Pa mono akalimokinit ayoŋ iyes akimyekin akitiya ŋuna aronok neni a edya a? Nai ipotu iyes nyipupokis ŋakiro kaŋ. Aŋun nai, adolu tokona akisicanio neni yok aŋuna a ŋaokot keŋ.”

Akisy. 9:6

Iŋes ŋini ebukori ŋaokot a ituŋanan, ituŋanan pei ebukori ŋaokot keŋ daŋ, anerae abu Akuj tosub ituŋanan eyakar ŋasima keŋ.

2 Sam. 12:9

Kaanukiro ijamuwarya iyoŋ akirot ke Ekapolon aŋuna itiyaa ŋuna aronok alokiŋaren Ekapolon? Ibu iyoŋ toar Uria Eititait a akileŋ, ido iya aberu keŋ kituruwo ŋina kon.

2 Sam. 21:1

Alokaru a ŋulu araakar Daudi ekepukan, abu eron toropik eyai nakwap keŋ ŋikaru ŋiuni; aŋun, abu Daudi kiŋit Ekapolon ŋakiro a ŋironia a ŋul. Toboŋok Ekapolon iŋes tema, “Erae aŋuna iilitor Saul ka ekal keŋ aŋuna aponiata toara Ŋigibeoni.”

2 Sam. 3:28

Ani ekaku iirari Daudi ŋakiro ŋun, tema, “Mam ayoŋ ka apukan kaŋ ŋikaru ka ŋikaru ŋakiro ŋuna ikikamunito alokiŋaren Ekapolon aŋuna ka atwanare ka Abiner alokoku a Ner.

Esir 9:13

Atakanut ŋun daadaŋ neni kosi aŋuna a ŋiticisyo kosi a ŋulu aronok ka aŋuna a ekaile a ŋolo apolon, aŋuna ibunio iyoŋ Akuj kosi nyikisican isua lopite ŋolo amaikina ikisicanere isua aŋuna a ŋasecisya kosi, ido ikideu isua lupei lu ikirae ŋipiya,

Neem. 9:33

Iyookino iyoŋ anakiro a daadaŋ a ŋuna apotu neni kosi, anerae itiya iyoŋ ikinyoma, nai etiyae isua erono,

Ŋikiru. 25:5

Kitatamae ayoŋ ewuap ŋakiro kon ŋuna a kire, anerae irae iyoŋ Akuj kaŋ ka akaiunan kaŋ, ido ekegeno ayoŋ iyoŋ apaaran daadaŋ.

Ŋikiru. 26:9

Nyikimunya ayoŋ ka ŋikasecak kaapei, nyilema akiyar kaŋ ka ŋina a ŋikaarak kaapei.

Ŋikiru. 35:28

Eserae ayoŋ ŋuna ka akiyookino kon, ka ekepuri ayoŋ iyoŋ apaaran jwii.

Ŋikiru. 38:22

Kiwonyu atipei ikiŋarak ayoŋ, okoe Ekapolon ŋolo irae ekaiunan kaŋ!

Ŋikiru. 55:23

Nai iyoŋ, okoe Akuj itolomari ŋulu aronok kwap. Nyepedorete ŋikaarak ka ŋimodiyanot akiyar, todolo atutubet apei ŋina ka akiyar kec. Nai ani eruwor ayoŋ, ekekinyomi iyoŋ.

Ŋikiru. 68:20

Akuj yok iŋes erae Akuj ŋina aiunan; ido neni ka Akuj Ekapolon iŋes ikiryamunia aiun anatwanare.

Ŋikiru. 88:1

Okoe Ekapolon, Akuj ŋina irae akaiunan kaŋ, egworo ayoŋ neni kon apaaran jwii, ani nakwaare obu kiŋaren kon.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Esek. 33:8

Ani kalimok ayoŋ ŋulu itiyaete aronis ebe, ‘Okoe iyes ŋulu itiyaete aronis! Itwakete iyes kire jik,’ ido towou iyoŋ alimokin ikes akiŋer akiwuapit aronis kec, etwakete ŋikaronok ŋul aŋuna ka asecit kec, nai emarakini ayoŋ atwanare kec erae nakou kon.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.

Osea 4:2

Ŋuna eya nakwap ikes nu: Akikoŋ ŋuna nyiwuapitae, alyokonu, akiar, akoko, elomi ka a ŋinapaki daadaŋ eyai abukonor ŋaokot.

Abak. 3:18

arubakini ayoŋ alelyani ka alakara, anerae Ekapolon Akuj kaŋ iŋes erae ekaiunan kaŋ.

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

Ŋitic. 20:26

Aŋun, ekekekini iyes nooi napeikoloŋit na atemar, ani tokona kitutubokinosi iyes Akuj, emam ŋuna akatapito ayoŋ.

Ŋirom. 10:3

Nyeyenete ikes epite ŋolo ituruwonorya Akuj ŋituŋa ŋulu iyookino alokiŋaren keŋ ka ekatakis ikes akisyakin erot kec a ŋilopeyek; aŋun, apotu ikes nyecamut erot ŋolo ka Akuj ŋolo ituruwori ŋituŋa ŋulu iyookino alokiŋaren keŋ.