Ŋikiru. 51:13 - Ebaibul

¹³ Kimyekinae ayoŋ etatam ŋikasecak ŋuna icamit iyoŋ kiwuapae, ido eboŋunete ŋikasecak neni kon.

Ŋikiru. 51:13 Iomraidhean Croise

2 Ŋirw. 17:18

Abu Ekapolon toŋoik Ŋisirael nooi, tosodi kisiyoto ikes aneni keŋ. Ekabila a Yuda bon abu Ekapolon kimyek.

2 Ŋirw. 17:20

Aŋun, abu Ekapolon toŋer ŋiletok a Isirael daadaŋ. Kisican iŋes ikes kipotok nakan a ŋimoe a ŋulu apotu kielasi ikes akitodol ŋina eritaria iŋes Isirael alokiŋaren keŋ.

2 Ŋirw. 17:23

akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Ŋikiru. 25:4

Okoe Ekapolon, kitatamae ayoŋ oyar ikwaŋina icamitor iyoŋ, kitatamae ayoŋ ewuap ŋuna icamit iyoŋ.

Ŋikiru. 25:8

Ejok ka iyookino Ekapolon; aŋun, itatami iŋes ŋikasecak akiwuap ŋakiro keŋ.

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Yer. 31:18

Kire adau ayoŋ akiirar adyekitoi a ŋituŋa a Epuraim ebasi, ‘Ibu iyoŋ ikida isua ka aponi isua tocamunae akida kon, ikikwaan isua ka itaok ŋini nyisisatae aenit. Kinyakunae isua, kimyekinae isua toboŋunoe, anerae irae iyoŋ Ekapolon Akuj kosi.

Mat. 18:3

tolimok ikes tema, “Akalimokini ayoŋ iyes kire atemar, mati kibelekinosi iyes kikokis ŋidwe ŋulu cicik, nyilomarete Napukan ŋina anakuj.

Luk. 22:32

Nai ekelipak ayoŋ iyoŋ Simoni, ikotere nyepuripuryaar anupit kon. Ani iboŋuni iyoŋ nabo neni kaŋ, itemokino iyoŋ kitogogoŋ ŋikonikaitotoi.”

Ŋitic. 13:10

tolimu tema, “Iyoŋ lokoku a Satan! Iyoŋ emoit ŋolo ka akiyookino a daadaŋ! Ileleba iyoŋ ŋamodyanakineta ŋuna egelegelya ka aronis! Nyijoŋoenene mono iyoŋ akilocenen ŋakiro ŋuna ke Ekapolon ŋuna a kire, kituruwo alyokonu a?

Ŋitic. 15:3

Aŋun, kiyaki atukot a Ŋikristo ikes. Ani etubete ikes neni anyaritae Poenikia ka Samaria, kitatamikis ikes ŋituŋa ŋul epite ŋolo anupyata ŋituŋa ŋulu nyerae Ŋiyudayan Akuj. Kitelelyana ŋakiro ŋun ŋikanupak daadaŋ.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.