Ŋikiru. 51:12 - Ebaibul

¹² Kinyakakinae ayoŋ alelyanu ŋina ka aiuno a ŋina aryamuni ayoŋ aneni kon, inakinae ayoŋ etau ŋolo iwuapit ŋakiro kon.

Ŋikiru. 51:12 Iomraidhean Croise

Ŋikiru. 119:133

Kitogogoŋ ŋakejen kaŋ alotooma akiikinet kon, nyicamak ŋadyakanareta ekelounete ayoŋ.

Ŋikiru. 13:5

Nai abu ayoŋ ekinyom amina kon ŋina nyiryaŋiryaŋa; eyakaun alelyanu lotau kaŋ aŋuna ikiunia iyoŋ ayoŋ.

Ŋikiru. 17:5

Ewuapit ayoŋ ŋikukus kon jik; nyeoliyoro ayoŋ alorot kon.

Ŋikiru. 19:13

Kiuryarae daŋ ayoŋ eketiyan kon anakiredanakin asecenen; ekelipit kiurya nyekepukata ayoŋ ŋasecisya; ikotere oruwor ayoŋ ŋolo emam ŋuna eketoronitere, ŋolo nyabilit ŋikisila ŋulu alalak nooi.

Ŋikiru. 21:1

Okoe Ekapolon, elelyani erwosit anagogoŋu a ŋina ibu iyoŋ inak iŋes. Elelyani iŋes nooi aŋuna a akiloun a ŋina iinak iyoŋ iŋes.

Ŋikiru. 24:4

Erae ŋulu ejokak ŋiticisyo kec ka ŋulu iyookino alotai kec, erae ŋulu nyilipete neni a ŋakujo a ŋunacaryo, kori nyikoŋete anakiro aŋuna erae alyokonu.

Ŋikiru. 35:9

Ebuni nai etau kaŋ alelyan a ŋakiro aŋuna etiya Ekapolon, olakar aŋuna akaiunia iŋes ayoŋ.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Yer. 10:23

Okoe Ekapolon, ayeni ayoŋ atemar, nyepedorito ŋituŋa akiyokuun akiyar kec, nyepedorete ikes akiten akiyar kec.

Luk. 1:47

elelyani etau kaŋ aŋuna ka Akuj Ekaiunan kaŋ,

Ŋirom. 14:4

Ŋae iyoŋ itubokini eketiyan a ituŋanan a ice? Erae ekapolon keŋ etyakuni erae kibusokina iŋes kori kilounit; elosi iŋes akiloun, anerae Ekapolon iŋes epedori akisiloun iŋes.

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

2 Ŋikor. 3:17

Erae nai Ekapolon Etau ŋolo ka Akuj ka neni eyai Etau ŋolo ke Ekapolon, eyai alacakina.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.