Ŋikiru. 51:1 - Ebaibul

¹ Okoe Akuj, kisyoni ayoŋ, alotooma amina kon ŋina nyiryaŋiryaŋa; aŋuna ka akisyon kon a ŋina alalan, kikisa ŋasecisya kaŋ.

Ŋikiru. 51:1 Iomraidhean Croise

2 Sam. 11:2

Apeikoloŋit esoŋakini akoloŋ, tonyou Daudi alokitaada keŋ, tolot todoka kidiama akai keŋ neni alapat, ido ca elosi a nen irimit. Alokidiama a nen, kebu iŋes kiŋoliya kwap, kiŋolik aberu iloŋa. Ebus aberu ŋin nooi,

Neem. 4:5

Nyijamak asecit kec, ido nyikisa asecit kec alokiŋaren kon, anerae iyanyete ikes ŋikadukok.

Ŋikiru. 106:45

aŋuna kec, abu Akuj totamu acamunet keŋ, ido anamina keŋ a ŋina apolon, a ŋina nyiryaŋiryaŋa, abu Akuj kisyoni ikes.

Ŋikiru. 106:7

Ani apaki ŋina ayakatar atapapaa kosi Ijipit, nyemitakina ikes ŋiticisyo kon ŋulu ka aumokin, nyetamuna ikes alalau a amina kon a ŋina nyiryaŋiryaŋa, nai apotu toŋero Akuj ŋina alokidiama nooi apaki ŋina ayakatar diyete anam ŋina Areŋan.

Ŋikiru. 109:21

Nai okoe Ekapolon Akuj kaŋ, kitiya ŋuna ajokak neni kaŋ aŋuna ke ekiro kon, tolakunae ayoŋ aŋuna ka ajokis a ŋina ka amina kon a ŋina nyiryaŋiryaŋa,

Ŋikiru. 119:124

Totiŋae ayoŋ eketiyan kon alotooma amina kon ŋina nyiryaŋiryaŋa, kitatamae ayoŋ ŋakiro ŋuna itubunit iyoŋ.

Ŋikiru. 145:9

Ejok Ekapolon aneni a daadaŋ, isyoniyenene iŋes daadaŋ ŋulu abu iŋes tosub.

Ŋikiru. 4:1

Okoe Akuj akaiunan kaŋ, toboŋokinoe ayoŋ akanyarae iyoŋ. Ibu iyoŋ ikiŋarak ayoŋ apaki ŋina ayakar locan, torimaanikinae ayoŋ tokona, kiira akilip kaŋ.

Ŋikiru. 40:11

Nyiwou akisyon ayoŋ, okoe Ekapolon; elipi ikiu iyoŋ ayoŋ jwi jwi aŋuna ka amina kon ka aŋuna ka akikinyoma kon;

Ŋikiru. 5:7

Nai ayoŋ, aŋuna ka amina kon a ŋina nyiryaŋiryaŋa, abuni ayoŋ Kai kon anakitopoloorit iyoŋ, aryediki ayoŋ elip neni kon eŋoliyarit Kai kon ŋina asegan.

Ŋikiru. 51:9

Kisyoni ayoŋ ŋasecisya kaŋ, kikisa aronis kaŋ daadaŋ.

Ŋikiru. 69:13

Nai ani eruwor ayoŋ, elipi neni kon, okoe Ekapolon. Toboŋokinoe ayoŋ Akuj, anapaki a ŋina iseuni iyoŋ. Toboŋokinoe ayoŋ aŋuna ka amina kon a ŋina nyiryaŋiryaŋa, anerae iricit iyoŋ akiikinet kon ŋina ka aiun ŋulu ikikinyomito iyoŋ.

Ŋikiru. 69:16

Okoe Ekapolon, toboŋokinoe ayoŋ, anerae ejok amina kon ŋina nyiryaŋiryaŋa; alotooma akisyon kon ŋina apolon nooi, kiŋarakinae ayoŋ.

Ŋikiru. 77:9

Emuryak mono Akuj araakau Akuj ŋina esyonon a? Alema mono iŋes aŋuna ka aŋoit keŋ akisyon keŋ a?”

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Isa. 63:15

Ekapolon kiŋoliu alokidiama, ido ikiŋolik, kiŋoliu anakibois kon a ŋina asegan ka a ŋina ka apolou. Ai eyai alelakinit kon isua ka apedor kon ŋina etiron? Ai eyai arimao ŋina a etau kon ka akisyon kon? Ilema iyoŋ ŋun aneni kaŋ.

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Yer. 18:23

Okoe Ekapolon, iyeni iyoŋ atemar atukut ikes akiar ayoŋ. Nyisyon ikes anasecit kec, nyiesik akisican ikes aŋuna ka asecit kec. Kimyek kilounae ikes alokiŋaren kon; kisican ikes apaki ŋina iŋoitor iyoŋ.”

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Dan. 9:18

Okoe Akuj kaŋ, kiirarae ayoŋ, kiŋoliu, ido kiŋolik ekasile ŋolo ayakaun lotaun ŋolo eyai ekiro kon. Nyikilipi isua neni kon aŋuna ikitamia atemar ikirae ŋulu ikiyookino, nai erae aŋuna ikiyenia atemar irae iyoŋ ŋina elal nooi akisyon.

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋikol. 2:14

Abu kikisa ŋamicae yok ŋuna egiritae ka ŋikisila ŋulu etogogoŋito ŋun; kikisa iŋes ikes jik anakibubukin ikes lomusalaba.