Ŋikiru. 50:13 - Ebaibul

¹³ Anyamenene mono ayoŋ akiriŋ a ŋimoŋin, kori amasenene ŋaokot a ŋikorwa a?

Ŋikiru. 50:13 Iomraidhean Croise

Ŋikiru. 69:31

Italakari nen Ekapolon akilo ŋainakineta ŋuna erae ŋibaren, akilo tari ainakin neni ka Akuj emoŋ ŋolo apolon erae amuronot ŋina epeyo.

Ŋikiru. 69:32

Kimyek ŋulu a ŋican kiŋolikis ŋun, ido tolakaros; iyes ŋulu iwarito Akuj, kimyekisi ŋitai kus tomukyaketa,

Ŋilep. 7:12

Ani keyau ituŋanan ainakinet aŋuna ka alakar keŋ neni ke Ekapolon, emaikina yau kaapei ka ŋamugati ŋuna emam ŋakinyalet, ŋuna iguritoe ka akimyet, ŋabisikotyo ŋuna emam ŋakinyalet ŋuna iositae akimyet, ŋimugati ŋulu cicik ŋulu ipounitoe anakirya a ŋuna ajokak a ŋuna itilorit akimyet.

Yoa. 4:24

Erae Akuj Etau; ŋulu ilipete neni keŋ, itemokino kilipa alotooma Etau ka alorot a ŋolo a kire.”

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋikis. 32:38

ŋuna sek anyamete asepwae a ŋamuronisya kus ka amasete epiini ŋolo ibukonokinete iyes namuroeta kus? Kimyekisi ikes potu ikiŋarakis iyes, kimyekisi ikes ikiuryasi iyes!’

Ŋikis. 33:19

Inyaraunete iyes ŋituŋa lomoru, neni einakiniata ikes ŋamuronisya ŋuna iyookino, anerae iryamunito iyes ajokis daadaŋ ananamyo ka abaru ŋina eyai nasinyon.