Ŋikiru. 5:7 - Ebaibul

⁷ Nai ayoŋ, aŋuna ka amina kon a ŋina nyiryaŋiryaŋa, abuni ayoŋ Kai kon anakitopoloorit iyoŋ, aryediki ayoŋ elip neni kon eŋoliyarit Kai kon ŋina asegan.

Ŋikiru. 5:7 Iomraidhean Croise

1 Ŋirw. 8:35

“Apaki daadaŋ ŋina egolokinor nakuj, ido nyilim akiru aŋuna aseciata ikes aneni kon, ido nai kilipa ikes iŋoliunito nakibois na, ikoŋete enyarito ekiro kon, tokiwa asecit aŋuna isicania iyoŋ ikes,

1 Ŋirw. 8:38

kiira akilip kec. Ani kilip idio a ŋituŋa kon a ŋisirael, toyenete ca ikes alotai kec ŋican ŋulu eyakatar, kikyaa ŋakan keŋ iŋoliyarit lowae ŋolo eyai Akai na;

Ŋikiru. 101:7

Mam ipei daŋ ŋulu irworosi amodiyo ŋini iboikin kai kaŋ; mam ipei daŋ a ŋulu irworosi alyokonu ŋini ewoi alokiŋaren kaŋ.

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 132:7

Aponi isua temarae, “Apena Kai ke Ekapolon; elipa alokiŋaren neni ipukator iŋes.”

Ŋikiru. 138:2

aryediki ayoŋ elip neni kon eŋoliyarit Kai kon ŋina asegan, ido alakara neni kon aŋuna ka amina kon a ŋina nyiryaŋiryaŋa ka akikinyoma kon, anerae itopoloo iyoŋ ekiro kon ka akirot kon akilo ŋiboro daadaŋ.

Ŋikiru. 28:2

Kiira ŋakiro ŋuna ka akilip kaŋ, apaki ŋina egworor ayoŋ neni kon akiŋarakino, apaki ŋina ekeyaaritor ayoŋ ŋakan kaŋ elipi neni kon eteorit nakibois kon ŋina asegan nooi.

Ŋikiru. 34:17

Ani kikaloikis ŋulu iyookino Ekapolon aŋuna ka akiŋarakino; iirari Ekapolon akigworo kec, ido eiuni ikes alocan kec a daadaŋ.

Ŋikiru. 51:1

Okoe Akuj, kisyoni ayoŋ, alotooma amina kon ŋina nyiryaŋiryaŋa; aŋuna ka akisyon kon a ŋina alalan, kikisa ŋasecisya kaŋ.

Ŋikiru. 52:8

Nai aiuna ayoŋ alo Kai; ka Akuj ekoni ekitoe ŋolo ka Olipa ŋolo erubi ejok; ekinyomit ayoŋ amina ka Akuj ŋina nyiryaŋiryaŋa ŋikaru ka ŋikaru.

Ŋikiru. 55:16

Nai anyarae ayoŋ Ekapolon Akuj, ido akaiuni iŋes ayoŋ.

Ŋikiru. 69:13

Nai ani eruwor ayoŋ, elipi neni kon, okoe Ekapolon. Toboŋokinoe ayoŋ Akuj, anapaki a ŋina iseuni iyoŋ. Toboŋokinoe ayoŋ aŋuna ka amina kon a ŋina nyiryaŋiryaŋa, anerae iricit iyoŋ akiikinet kon ŋina ka aiun ŋulu ikikinyomito iyoŋ.

Ŋikiru. 69:16

Okoe Ekapolon, toboŋokinoe ayoŋ, anerae ejok amina kon ŋina nyiryaŋiryaŋa; alotooma akisyon kon ŋina apolon nooi, kiŋarakinae ayoŋ.

Ŋakit. 6:16

Eyakasi ŋiboro ŋikanikapei ŋulu nyecamit Ekapolon, eyakasi ŋikanikaarei ŋulu erae asiilyo aneni keŋ.

Ŋakit. 6:17

Ŋul ikes lu: Ŋituŋa ŋulu etakanete anakonyen kec itopolooro bon nooi, ŋituŋa ŋulu irworosi alyokonu, ŋituŋa ŋulu earete ŋituŋa ŋulu emam aronis itiyato,

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 64:11

Akai kosi ŋina asegan ka ebusan neni koloŋ ikipurotor iyoŋ atapapaa kosi, ecunyar a akim ka aruworosi ŋakiboisyo kosi ŋuna ajokak daadaŋ ŋireŋoroto.

Dan. 6:10

Ani tari keyenu Daniel atemar ewuak erwosit akan keŋ akitogogoŋio ekisil ŋolo aponi totubunoe, abu torubak elosenene lore keŋ ŋolo aya ŋidirisae nagule ŋina alokidiama, eŋoliyarito ŋidirisae ŋul lowae ŋolo ayai Yerusalem. Abu iŋes torubak elosenene nen toryedik kilip ka kipur Akuj keŋ ŋarwa ŋauni a ŋinakoloŋit, lopite ŋolopei sek etiyaa iŋes.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”