Ŋikiru. 5:5 - Ebaibul

⁵ Nyepedorete ŋiketurok akiwo alokiŋaren kon; iremokino iyoŋ daadaŋ ŋulu itiyaete aronis.

Ŋikiru. 5:5 Iomraidhean Croise

Ŋikiru. 1:5

Aŋun, nyepedorete ŋulu aronok akiwo anatubokino, nyepedorete tari ŋikasecak ayakaun natukot a ŋulu iyookino;

Ŋikiru. 10:3

anerae iturosi ŋulu aronok aŋuna a ŋakiro a ŋuna iitanito ŋitai kec, ilamasi ŋirorokanotin ka ejamuwarito Ekapolon.

Ŋikiru. 11:5

Eripiripi Ekapolon ŋuna itiyaete ŋulu iyookino ka ŋuna itiyaete ŋulu aronok, nai eremokino iŋes ŋulu eminasi aryenyeo.

Ŋikiru. 130:3

Okoe Ekapolon, ani kirubak iyoŋ imari ŋasecisya kosi, ŋae eryamunio pa esecit?

Ŋikiru. 14:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 73:3

anerae abu ayoŋ orakaan aŋuna a ŋulu eturok, apaki ŋina eŋolikinia ŋulu aronok emam ŋican eryamunito.

Ŋikiru. 75:4

Abala ayoŋ neni a ŋiketurok ebe, ‘Tojoŋoto akituro jik,’ ido abala neni a ŋulu aronok ebe, ‘Tojoŋoto akitiya aronis.

Ŋikiru. 92:6

Erae nu ŋuna nyepedori ituŋanan ŋini imasimasit ayenun, nyepedori ŋini abaŋaanan ayenun,

Ŋikiru. 94:8

Toyenutu nu, iyes ŋulu a ŋimasimas, iyes ŋibaŋaanotin, ori mono iosunioto iyes?

Ŋakit. 1:22

“Okoe apaki ŋina etya ai iayete iyes ŋibaŋaanotin irae ŋibaŋaanotin? Apaki ŋina etya ai iayete iyes ŋulu ijamuwarito ŋuluce ilakara anajamuwarit ŋuluce? Apaki ŋina etya ai iayete iyes ŋibaŋaanotin iŋerito aosou?

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 15:9

Erae ŋakiro ŋuna iwuapito ŋulu aronok asiilyo aneni a Ekapolon, nai emina Ekapolon ituŋanan ŋini iwuapit akiyookino.

Ŋakit. 8:5

Iyes ŋulu ibaŋaaka, toryamutu ayakau ka ŋipitesyo ŋulu ajokak. iyes ŋulu imamukatar apiiryanut, toryamutu apiiryanut.

Ekal. 5:4

Aŋun, ani iikini iyoŋ akirot neni ka Akuj, nyidid akitiyakin ŋuna idau iyoŋ akiikin, anerae nyelakar Akuj a ŋakiro a ŋuna irworosi ŋibaŋaanotin, kitiyak ŋuna idau iyoŋ akiikin.

Osea 9:15

Ageuni aronis kec daadaŋ alo Giligal, abu ayoŋ ogeu akitidiŋ ikes a nen. Aŋuna ka aronis a ŋiticisyo kec, eritari ayoŋ ikes alo Kai kaŋ, nyeriŋa nabo ayoŋ aminakini ikes, akaŋero ayoŋ ŋikapolok kec daadaŋ.

Ŋilep. 20:23

Nyemaikina iyes kiwuapa ŋitalyo a ŋituŋa a ŋulu alosi ayoŋ akiritar alokiŋaren kus, anerae apotu ikes kitiyata ŋakiro ŋun daadaŋ, eketilyata ikes ayoŋ.

Abak. 1:13

Irae iyoŋ Akuj ŋina Asegan, ido nyipedori akitere aronis. Ikokini iyoŋ ite ŋuna itiyaete ŋituŋa lu ŋulu emam akikinyoma ka ŋulu aronok, ido tomam akisican ikes, ŋulu amunyasi ŋituŋa ŋulu iyookino akilo ikes ai?

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Mat. 7:23

Alimokini nai ayoŋ ikes otema, ‘Pa akayeni ayoŋ iyes. Toloto aneni kaŋ iyes ŋulu itiyaete aronis!’