Ŋikiru. 5:10 - Ebaibul

¹⁰ Okoe Akuj, totubok ka kisican ikes; kimyek ikes tomunyaros make anakiro a ŋuna etukete ikes akitiya. Aŋuna aseciata ikes nooi, kirita ikes nariet, anerae ikiŋero ikes iyoŋ.

Ŋikiru. 5:10 Iomraidhean Croise

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 17:14

Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Esta 7:10

Aŋun, apotu ŋituŋa kinenekis Aman nakito ŋuna abu iŋes todupak akinenekin Moridekai. Totikiun nai anyunyura a erwosit.

Ŋikiru. 10:15

Tolema agogoŋu a ŋulu aronok ka ŋikasecak, tolema aronis kec akitodol ŋina edaunor jik.

Ŋikiru. 107:11

anerae apotu ikes toŋero ŋakiro ka Akuj, tojamuwasi ŋakiro ŋuna ka Akuj a ŋina alokidiama nooi.

Ŋikiru. 17:13

Tonyou okoe Ekapolon, kitijik ikes, kilou ikes, toiunae ayoŋ a ekileŋ kon aneni a ŋulu aronok.

Ŋikiru. 31:18

Kisililiŋ ŋulu irworosi alyokonu, alotooma akituro ka akitoroniyarit, irworosi ikes isupasi, ido eremokino ŋulu iyookino.

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Ŋikiru. 55:15

Kimyek atwanare kituumik ŋimoe kaŋ; kimyek ikes tolomasi nakibois a ŋikatwak eyarete, anerae eyai aronis lorerya kec ka lotai kec.

Ŋikiru. 66:7

Ipukat iŋes anapedor keŋ ŋikaru ka ŋikaru, ite iŋes ŋakwapin, nyemaikina ŋulu eŋerito iŋes kiturokinos.

Ŋikiru. 71:13

Elipi kisurumae ŋileec ka tomunyarae ŋulu ekesitakinito ayoŋ; elipi tojamuwarae ka tokyenare ŋulu iwarito akiwan ayoŋ.

Ŋikiru. 79:12

Toboŋok akisican ŋikidunyet kosi ŋarwa ŋakanikaarei, aŋuna a ŋiyany a ŋulu ikiyenyata ikes iyoŋ Ekapolon.

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 1:20

nai ani kiwout ka kiŋero, ikirikaryo iyes a ekileŋ;” anerae adau Ekapolon alimun ŋakiro ŋun.

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Aum. 1:5

Aruwor ŋimoe a Sion ŋikapolok keŋ, aruwor ŋikelounak, anerae emyek Ekapolon Sion toryamu ŋican aŋuna a ŋasecisya keŋ a ŋuna alalak nooi; alot ŋituŋa a Sion nakwapin, aruwor ŋirikon a ŋimoe a kec.

Dan. 9:5

aseci isua ka etiyae ŋuna nyiyookino, etiyae isua ŋuna aronok ka ikiŋer isua iyoŋ, aŋeri isua ŋakiro ŋuna etubunit Akuj;

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”

Ŋikis. 2:30

Nai abu erwosit Sikon nyikicamak isua kitoroi nakwap keŋ, anerae aris Ekapolon Akuj kus kitogogoŋ akou keŋ, inak etau keŋ topeganiar, ikotere Ekapolon ipotokini iŋes neni kus lopite ŋolo etiyakinia tokona.

1 Sam. 25:29

Ani kikinyoik iyoŋ ituŋanan, kiwar akiar iyoŋ, ikiuni iyoŋ Ekapolon kon, lopite ŋolo iyokiyo ituŋanan ebari keŋ. Nai icutaryo akiyar a ŋimoe kon lopite ŋolo icutarere amoru anadoe.

1 Sam. 25:39

Ani iirari Daudi atemar atwana Nabal, tema, “Toyai arereŋu neni a Ekapolon a ŋolo atub ŋakiro ŋuna ekeyenya ayoŋ Nabal, ido ekeretak Ekapolon ayoŋ eketiyan keŋ nyetiya ŋuna aronok. Enyakak Ekapolon aronis ŋina etiyat Nabal nenipei a Nabal ke elope.” Kiyakiya nai Daudi ŋituŋa neni ka Abigail alimokin iŋes atemar ecamit Daudi iŋes toruwor aberu keŋ.