Ŋikiru. 49:17 - Ebaibul

¹⁷ anerae apaki ŋina etwakyata ikes, emam ibore eyaete ipei daŋ, nyerukorete ikes ke ebari kec kwap.

Ŋikiru. 49:17 Iomraidhean Croise

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Yob 27:19

Eloseneneete ikes akiper eyakatar ebari, nai ani ekyenyunete ikes toryamut ebari daadaŋ kelemar.

Ŋikiru. 17:14

Okoe Ekapolon, toiunae ayoŋ a akan kon alotuŋa a ŋulu ikote lu; alotuŋa a ŋulu ka akwap a na a ŋulu erae eropit kec ibore ŋini eryamunete ikes anakiyar a na. Kisican ikes a ŋican a ŋulu itemokinit iyoŋ aŋuna kec, elipi toryamut ŋidwe kec ŋican ŋulu alalak nooi, ŋulu eryamunete tari ŋipapae kec.

Ekal. 5:15

Elomunete ŋituŋa anakookyes atatoto kec elerete lopite ŋolopei alomuniata ikes anakwap a na. Mam aloboro a ŋulu aryamunito ikes aloticisyo kec ŋulu etijete ikes a ŋakan torukoryata anakwap a na.

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 5:14

Aŋun, eitan nooi akwap ŋina a ŋikatwak ikes aŋaar ŋalup nooi aŋuna kec, elomarete tooma ŋalup ŋikapolok a Yerusalem ka ŋituŋa ŋulu alalak kaapei ka asepic ŋina sek ecela a nen ta ŋulu sek itopoloorito iŋes.

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

Luk. 16:24

Tosodi iŋes togeu anyaraiyanar ke etoil a ŋolo apolon ebala, ‘Papa Aburaam, kisyoni kare ayoŋ! Kiyaku Lasaro kilumok ekimoin keŋ nakipi ŋadi, ido kitililimik naŋajep kaŋ, anerae akapipilikinit ayoŋ akim na nooi!’

1 Ŋikor. 15:43

Apaki ŋina enukere, eŋotor ka epalag; ani iteyarunio, ibusiar ka egogoŋior.

1 Tim. 6:7

Nyo aponi iwon yaunae nakwap? Emam ipei daŋ! Nyo ikipedori iwon akiya anakwap? Emam ipei daŋ!