Ŋikiru. 47:2 - Ebaibul

² anerae Ekapolon ŋolo alokidiama nooi iŋes emaikina kitopolooroe, Erae iŋes Erwosit ŋolo apolon nooi, ŋolo ipukat ŋakwapin daadaŋ.

Ŋikiru. 47:2 Iomraidhean Croise

Neem. 1:5

Abu ayoŋ otema anakilip kaŋ, “Okoe Ekapolon, Akuj ŋina anakuj, Akuj ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa aŋuna a ŋulu ikiminasi iyoŋ ka aŋuna a ŋulu iwuapito ŋakiciketa kon,

Ŋikiru. 145:6

Iseraete ŋituŋa ŋuna ka apedor a ŋiticisyo kon a ŋulu ka aumokin, ido alimori ayoŋ ŋuna ka apolou kon nooi.

Ŋikiru. 47:7

Akuj iŋes erae Erwosit ŋolo ka akwap daadaŋ; toeikisi ŋieosyo ŋulukipuret iŋes.

Ŋikiru. 65:5

Anakiyookino kon, ikiboŋokini iyoŋ isua a ŋiticisyo a ŋulu ka aumokin, okoe Akuj ŋina irae akaiunan kosi; iyoŋ irae akigeno a ŋituŋa a akwap a daadaŋ ka ŋulu eya tari loculeta ka anam ŋulu alwanak.

Ŋikiru. 68:35

Okoe Akuj, irae iyoŋ ŋina ailiilon anakibois kon a ŋina asegan; Akuj a Isirael einanakini Akuj apedor ka agogoŋu lotuŋa keŋ. Toyai akipuro neni ka Akuj!

Ŋikiru. 76:12

Einanakini Akuj ŋikepukak ŋulu eturok aruwor ŋulu ecaryooko; ekerito iŋes ŋirwosi ŋulu ka akwap.

Ŋikiru. 95:3

anerae erae Ekapolon Akuj ŋina apolon, erae iŋes Erwosit ŋolo apolon ŋolo iloit ŋakujo daadaŋ.

Ŋikiru. 99:3

Emaikina ŋituŋa kipuro ekiro kon ŋolo apolon nooi ŋolo ailiilon. Erae iŋes ŋolo Eseg!

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Ŋikis. 28:58

Ani pa kiwuapa iyes ejok ka kirica ŋakiro daadaŋ ŋuna a ŋikisila a lu, ŋuna igiritae lokitaabo lo, itopoloorito ekiro ŋolo ka apolou, ŋolo etubulon, ŋolo a Ekapolon Akuj kus,

Ŋikis. 7:21

Nyikibul aŋuna kec, anerae Ekapolon Akuj kus ŋina irukitotor iyes, erae Akuj ŋina etubulon.