Ŋikiru. 46:10 - Ebaibul

¹⁰ Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 46:10 Iomraidhean Croise

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

2 Ŋirw. 19:12

Apotu koloŋ atapapaa kosi kinyasut ŋitaunio Gosan ka Aran ta Resep, tosodo tomunyasi ŋituŋa ŋulu a Eden ŋulu alomito Telasar. Mam ŋakujo kec ŋuna apotu tolakut ikes.

2 Ŋirw. 6:23

Kitemok nai erwosit a Isirael aŋuna kec akimuj ŋina alalan. Ani irikakinete ikes akimuj ka akimat, kimyek iŋes ikes toloto, toboŋosi neni ke erwosit a ŋolo apolokinit ikes. Ŋinapei ŋina, nyeboŋokis nabo ŋituŋa ka Aram aŋaanar ŋajorei nakwap a Isirael.

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 21:13

Ikipuri isua iyoŋ okoe Ekapolon, aŋuna ka agogoŋu kon a ŋina apolon nooi; ikieikini ka ikipuri isua apedor kon.

Ŋikiru. 37:15

Nai eari Akuj ikes a ŋileŋia kec pei, ido ebilibiliyar ŋakausinei a nyikaleŋeleŋe kec.

Ŋikiru. 57:5

Okoe Akuj, emaikina kipuroe ekiro kon alokidiama nakuj kimyek apolou kon min nakwap daadaŋ.

Ŋikiru. 83:18

Kimyek ikes toyenut atemar iyoŋ bon ŋolo erae ekiro kon Ekapolon iŋes erae ŋolo alokidiama nooi, ŋolo ipukat akwap daadaŋ.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Yer. 49:35

Tolimu Ekapolon ŋolo a ŋajoresyo tema, “Kiirasi, alemari ayoŋ agogoŋu a Elam, a etaun a ŋolo ikinyomito ikes

Esek. 30:8

Eyenuniate nai ikes atemar arae ayoŋ Ekapolon apaki ŋina enokakinia ayoŋ Ijipit a akim, ido omunya ŋulu iŋarakinito iŋes daadaŋ.

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Esek. 39:3

Abili ayoŋ akau a ŋikaleŋeleŋe kon anakan kon a ŋina alokyedeny, emyek ŋikaleŋeleŋe tocakakin kwap anakan kon a ŋina aloteten.

Mika 4:3

Etubi Akuj ŋiburasinei a ŋakwapin, etubi iŋes ŋiburasinei a ŋakwapin a ŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Abak. 2:20

Eyai Ekapolon Kai keŋ ŋina asegan; emaikina ŋituŋa daadaŋ anakwap kililiŋa alokiŋaren keŋ.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Yos. 11:6

Tolimok nai Ekapolon Yosua tema, “Nyikibul aŋuna kec, anerae moi taparacu ŋisaae lu peilu, epotokini ayoŋ ikes neni a Ŋisirael tomunyarae. Tosodi nai iyoŋ totubutubu ŋamori ŋuna a ŋakejen a ŋaŋolei, ido kicunyak ŋagaari kec.”

Yos. 11:9

Kitiyak Yosua neni kec lopite ŋolo alimokinitor Ekapolon iŋes. Totubutubu ŋamori ŋuna a ŋakejen a ŋaŋolei kec, kicunyak ŋagaari kec.

1 Sam. 17:46

Ikipotokini iyoŋ Ekapolon nakoloŋit na napedor kaŋ, ido akaari ayoŋ iyoŋ ekemasak kwap, otubo akou kon. Aarakini ayoŋ ŋataruk ka ŋityaŋ a akwap ŋajorei a Ŋipilistin nakoloŋit na, ikotere nai akwap daadaŋ eyenuni atemar eyai Akuj Isirael.

1 Sam. 2:4

Ebilibili iŋes ŋakausinei a ŋikaleŋeleŋe a ŋisigarya a ŋulu ajiok; nai itogogoŋi iŋes ŋituŋa ŋulu epalag.