Ŋikiru. 44:3 - Ebaibul

³ Pa apotu ikes kikamasi akwap aŋuna ka ajionu kec, meere tari aŋuna ka agogoŋu kec aponiata ikes kilouniata; nai arae aŋuna ka apedor ka agogoŋu kon ka arae aŋuna iteyenikinitor iyoŋ ikes atemar iyai iyoŋ ka ikes, anerae imina iyoŋ ikes.

Ŋikiru. 44:3 Iomraidhean Croise

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

2 Ŋakiro a ŋirwa 20:7

Pa mono ibu iyoŋ Akuj kosi kirita alokiŋaren Ŋisirael ŋituŋa ŋulu eboiyete anakwap a na, ido inak akwap na neni a ŋiletok alokone kon Aburaam toruwor ŋina kec ŋikaru ka ŋikaru a?

Ŋikiru. 111:6

Etoodik iŋes ŋituŋa keŋ apedor ŋina a ŋiticisyo keŋ aŋuna ainakinia ikes ŋakwapin a ŋituŋa a ŋice.

Ŋikiru. 17:7

Kitoodiu amina kon ŋina apolon nooi, Okoe ekaiunan a ŋulu eponito neni kon aiuno alomoe kec.

Ŋikiru. 20:6

Ayeni tokona ayoŋ atemar eiuni Ekapolon eseuna keŋ. Eboŋokini ŋakiro keŋ anakuj anakibois keŋ a ŋina asegan a apedor keŋ a ŋina aiunan.

Ŋikiru. 4:6

Elalak ŋulu ebasi, “Okoe Ekapolon, inakinae isua ŋarereŋisyo ŋuna alalak, Okoe Ekapolon, torimaaniar aneni kosi.”

Ŋikiru. 42:11

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 42:5

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 74:11

Kaanukiro iwounitor iyoŋ akiŋarakin isua? Kaanukiro iwounitor iyoŋ akiŋarakin isua anakiro a nu?

Ŋikiru. 77:15

Ibu iyoŋ tolaku ŋituŋa kon a apedor kon, ibu iyoŋ tolaku ŋipapae a Yakob ka ŋulu a Yosepu.

Ŋikiru. 78:55

Abu Akuj kirita ŋituŋa ŋulu ka akwap a ŋin alokiŋaren ŋituŋa keŋ, ido tokorak akwap kec neni a ŋikabilae a Ŋisirael toruwor ŋina kec; kisiboik ŋikabilae a Ŋisirael lorerya a ŋituŋa a ŋul.

Ŋikiru. 80:16

Ecunyasi ŋimoe ŋituŋa kon ka amunyasi; elipi tomunya iyoŋ ŋimoe kosi anaŋoit kon.

Ŋikiru. 80:9

Ibu iyoŋ kitemonok akwap aŋuna a Ŋisirael, ido apotu Ŋisirael toloma nakwap ŋin kilelebun nakwap ŋin daadaŋ.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Ekim. 14:8

Ani kikijokak iwon aneni ke Ekapolon, ikiyai iŋes iwon nakwap ŋin ka ikiinakini iŋes iwon akwap ŋin ŋina eleleata ŋakile ka ao.

2 Ŋikor. 4:7

Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok.

Ŋikis. 10:15

abu iŋes tominak atapapaa kus bon ka abu ikiseu iyes, ŋulu irae ŋiletok kec alotuŋa daadaŋ, lopite ŋolo eyakatar ŋakiro tokona.

Yos. 24:12

Abu ayoŋ ewuak ekabule lorwosi ŋuluarei ŋulu a Ŋiamori eriŋa iyes nyedolo neni kec, ido apotu ikes tosuros, meere aŋuna a ŋileŋia kus, kori aŋuna a ŋikaleŋeleŋe kus asurotor ikes.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.