Ŋikiru. 44:2 - Ebaibul

² Kibu iyoŋ anapedor kon kirita ŋituŋa a ŋakwapin, ido kiwuak atapapaa kosi nakwapin kec; kibu iyoŋ kisican ŋituŋa a ŋakwapin, ido kitobar atapapaa kosi.

Ŋikiru. 44:2 Iomraidhean Croise

2 Sam. 23:12

Ani ebwaŋasi Ŋisirael ŋuluce, abu Sama torubak eyai lokukusi keŋ kidiŋ emanikor ŋol. Abu toiu emanikor ŋol, toar Ŋipilistin. Abu Ekapolon inak ikes akiloun ŋimoe kec akoloŋit ŋin.

2 Sam. 7:10

Aseuni ayoŋ akibois a ŋituŋa kaŋ a Ŋisirael, ido esiboik ikes nen, ikotere ikes eryamunete akibois ŋina erae ŋina kec, ŋina nyicanere ikes nabo. Nyemaikina ŋulu itiyaete ŋuna aronok kisicana ikes nabo, lopite ŋolo aponiata kisicaneta ikes ekiŋaren,

Ŋikiru. 105:44

Abu Akuj inak ikes ŋakwapin a ŋituŋa a ŋice, apotu ikes kituruwosi ebari a ŋituŋa a ŋulu sek keya nen ŋolo kec.

Ŋikiru. 78:55

Abu Akuj kirita ŋituŋa ŋulu ka akwap a ŋin alokiŋaren ŋituŋa keŋ, ido tokorak akwap kec neni a ŋikabilae a Ŋisirael toruwor ŋina kec; kisiboik ŋikabilae a Ŋisirael lorerya a ŋituŋa a ŋul.

Awos. 10:2

ka emaikina nai iyes kitatamyanakis ŋidwe kus ka ŋipapae kus epite ŋolo abunio ayoŋ esicania Ŋijipitian aryenyaana ka ŋolo abunio ayoŋ etiyaa ŋakujuwuanisya kaŋ neni kec, ido iyenunete iyes atemar arae ayoŋ Ekapolon.”

Awos. 15:17

Iyai iyoŋ ŋituŋa kon kisiboik ikes lomukura kon a elope, nakibois ŋina ibu iyoŋ Ekapolon kituruwo ŋina kon, nakibois ŋina asegan ŋina ibu iyoŋ Ekapolon kitemok a ŋakan kon.

Awos. 15:19

Ani elomarete ŋaŋolei ka ŋagaari ta ŋikametok ŋaŋolei a Parao Nanam, kinyakak Ekapolon ŋakipi ka Anam lopite ŋolopei sek ayakatar, toburusiyasi ŋakipi Ŋijipitian. Nai apotu Ŋisirael todoka Anam ŋin eonit neni etorete ikes.

Awos. 23:28

Ewuakini ayoŋ ekabule neni a ŋimoe kus. Eritari ayoŋ Ŋiipi, Ŋikanaani ka Ŋiitaiti anakwap a ŋin apaki ŋina idolioto iyes nen.

Awos. 34:11

“Kirica ŋakiro ŋuna ekecik ayoŋ iyes nakoloŋit na. Kiirasi, eritari ayoŋ alokiŋaren kus Ŋiamori, Ŋikanaani, Ŋiitaiti, Ŋiperisi ka Ŋiipi ta Ŋiyebusi.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Ekim. 13:32

Aŋun, apotu ikes tolimokis Ŋisirael ŋakiro ŋuna pa ajokak aŋuna ka akwap a ŋina alosito ikes akireb temasi, “Akwap daadaŋ ŋina arebi isua, erae akwap ŋina emunyanarotor ŋituŋa, nabo ŋituŋa ŋulu aponi isua kiŋolikinae anakwap a ŋin eburok nooi, mam ituŋanan isikwaanare anakwap a daadaŋ.

Ŋikis. 32:7

Totamutu ŋirwa ŋulukoloŋ, totamatamata ŋuna a ŋikaru a ŋulu alunyarosi, kiŋit ŋinituŋanan papa keŋ kiteyenik iŋes, kiŋita ŋikasikou kus ikilimokinete ikes iyes.

Ŋikis. 4:38

abu kirita aŋuna kus ŋituŋa a ŋakwapin ŋulu alalak ka ŋulu agogoŋ akilo iyes, ikotere ikiyauni iyes nakwapin kec ikiinak iyes ŋakwapin ŋun toruworos ŋuna kus, lopite ŋolo eraakatar ŋuna kus tari tokona.

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Yos. 10:11

Ani eriŋa Ŋiamori ekerete akilany Ŋisirael, apaki ŋina atiyaarotor alo Bes-Oron, totiyau Ekapolon Akuj ŋakako ŋuna apolok, tocaka ikes akitodol Aseka. Toara ŋakako ŋituŋa ŋulu alalak nooi adepar ŋulu aarete Ŋisirael a ŋileŋia.

Yos. 10:42

Kilou Yosua ŋirwosi ŋul daadaŋ ka ŋakwapin kec alotooma akitijikinet apei bon, anerae eŋarakinit Ekapolon ŋolo erae Akuj a Ŋisirael ŋituŋa keŋ.

Yos. 11:23

Abu Yosua kikama akwap daadaŋ lopite ŋolo ecikitor Ekapolon Moses. Inak Yosua akwap ŋin neni a Ŋisirael toruwor ŋina kec, totyakatyaka, inak ŋolokabila akwap keŋ. Todaun nai ejie, kieŋa akwap ŋin.

Yos. 21:43

Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

Yos. 24:12

Abu ayoŋ ewuak ekabule lorwosi ŋuluarei ŋulu a Ŋiamori eriŋa iyes nyedolo neni kec, ido apotu ikes tosuros, meere aŋuna a ŋileŋia kus, kori aŋuna a ŋikaleŋeleŋe kus asurotor ikes.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

Ŋikat. 6:13

Tolimok Gideon emalaika tema, “Nai okoe ekapolon, ani kire kikiya isua ka Ekapolon, kaanukiro etiyakinotor ŋakiro nu daadaŋ neni kosi? Nyaalu ŋiticisyo keŋ ŋulu ka aumokin, ŋulu ikilimokinito isua atapapaa kosi ebasi, ‘Meere Ekapolon ikiyauni iwon anakwap a Ijipit a?’ Nai tokona ikicaka Ekapolon isua, ikipotok isua napedor a Ŋimidian.”