Ŋikiru. 42:9 - Ebaibul

⁹ Atemari ayoŋ neni ka Akuj a ŋina erae akaiunan kaŋ ebe, “Kaanukiro ikimuryakinia iyoŋ ayoŋ? Kaanukiro arubakinitor ayoŋ aryamunit ŋican anadedeŋu a ŋimoe kaŋ?”

Ŋikiru. 42:9 Iomraidhean Croise

Ŋikiru. 13:1

Okoe Ekapolon, tari wori pa ikitamunit iyoŋ ayoŋ? Emuryakin mono ayoŋ aneni kon ŋikaru ka ŋikaru a? Apaki ŋina etya ai iyai iyoŋ nyiŋarakina ayoŋ?

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 28:1

Okoe Ekapolon, akanyarit ayoŋ iyoŋ; ekaiunan kaŋ, nyiŋer akiirar ŋakiro kaŋ, anerae ani kikililiŋ iyoŋ ayoŋ, ayakaun ayoŋ neni a ŋulu adaut atwakare.

Ŋikiru. 38:6

Epol aryeba kaŋ nooi nyapedori ayoŋ anyoun, apaaran jwii egworo ayoŋ.

Ŋikiru. 43:2

anerae irae iyoŋ Akuj akaiunan kaŋ; kaanukiro ikimuryakinia iyoŋ ayoŋ? Kaanukiro arubakinitor ayoŋ aryamunit; ŋican anadedeŋu a ŋimoe kaŋ?

Ŋikiru. 55:3

ŋinibore apupyo ŋitoilon a ŋimoe kaŋ, ŋinibore ekesicanitotor ayoŋ ŋulu aronok; anerae eyaununeete ŋakiro kec aryeba neni kaŋ, ido anaŋoit kec, ekemanito ikes ayoŋ.

Ŋikiru. 62:2

Iŋes bon erae aupal kaŋ ka aiuno kaŋ, aduketait kaŋ ŋinajiet; emam ibore eketubuli ayoŋ.

Ŋikiru. 77:9

Emuryak mono Akuj araakau Akuj ŋina esyonon a? Alema mono iŋes aŋuna ka aŋoit keŋ akisyon keŋ a?”

Ŋikiru. 78:35

Atamununeete ikes atemar erae Akuj akaiunan kec, atamununeete ikes atemar erae Akuj ŋina alokidiama nooi akalakunan kec.

Ŋikiru. 88:9

aribiribokis ŋakonyen kaŋ aŋuna ka akiyaloloŋ. okoe Ekapolon, akanyarit ayoŋ iyoŋ a ŋinakoloŋit; ekyaarit ayoŋ ŋakan kaŋ elipi neni kon.

Ŋikiru. 92:3

ejok aeo neni kon isitiyao apilu ka aduŋgu, ejok aeo neni kon eramyo agita,

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Isa. 40:27

“Kaanukiro ibaakatar iyes okoe ŋituŋa a Yakob ka irworotor iyes okoe Ŋisirael ebe, ‘Nyeyeni Ekapolon ŋakiro kosi, kori nyemisit Akuj kosi ŋakiro kosi’?

Isa. 49:15

Epedori mono akimuryakin aberu ikoku keŋ ŋini itanaki, kori epedori mono aberu awoun akisyon ikoku ŋini idounit iŋes alope a? Tari kepedorete ŋun akimuryakin aberu, nyimuryakinosi iyes aneni kaŋ.