Ŋikiru. 42:4 - Ebaibul

⁴ Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Ŋikiru. 42:4 Iomraidhean Croise

2 Ŋirw. 18:30

Ebala iŋes nyicamut Esekia ikilimonokini iyes akikinyom Ekapolon ebala, kire ikilakuni Ekapolon iyes ka nyipotokini Ekapolon Yerusalem nakan ŋuna ke erwosit ka Asiriya.

2 Ŋirw. 18:32

akitodol ŋina akaomunio ayoŋ iyes akiya nakwap ŋina ikwaan ka ŋina kus, nakwap ŋina eya ŋikinyom ka epiini, nakwap ŋina eya ŋamugati ka ŋimanikorin ŋulu ke epiini, nakwap ŋina eya ŋikito ŋulu ka akimyet ka eyai ao daŋ. Ikiteyarete iyes ŋamuja ŋun, nyitwakete. Kiuryaasi Esekia nyikimodianak aŋuna irworor ebe, ‘Ikilakuni Ekapolon iyes.’

2 Ŋakiro a ŋirwa 7:10

Ani edoli ŋirwa ke elap ŋatomoniarei ka ŋiuni, elap ŋolo a ŋikanikaarei, kimyek Solomon ŋituŋa toloto lorerya kec elelyanete ka elakara alotai kec aŋuna ajokak aŋuna etiya Ekapolon neni a Daudi ka neni a Solomon ta neni a Ŋisirael a ŋituŋa keŋ.

Yob 29:2

“Okoe kerae ca oyakaununor ayoŋ akiyar ŋina a ŋirwa a ŋulukoloŋ, ŋina ikoni ŋina a ŋirwa a ŋulu ekeyokiyo Akuj ayoŋ;

Ŋikiru. 100:4

Tolomasi Kai keŋ ilakara neni keŋ, tolomasi nalapatui ŋuna ka Akai keŋ ieosi. Tolakaros neni keŋ ka kipuro iŋes.

Ŋikiru. 102:10

erae ŋun aŋuna ka anyunyura kon ka aŋoit kon, anerae ikilema iyoŋ ayoŋ, ido ikicaka.

Ŋikiru. 115:2

Kaanukiro iŋitatar ŋituŋa ebe, “Ai mono eyai Akuj kec?”

Ŋikiru. 122:1

Abu ayoŋ olelyan akalimokinio ebe, “Apena Kai ke Ekapolon.”

Ŋikiru. 122:8

Aŋuna a ŋikaitotoi kaŋ ka ŋikonei kaŋ, atemari, “Toyai ekisil tooma kon.”

Ŋikiru. 55:14

ŋolo paaran sek ikirukit ka ayoŋ emam ŋace; aminae alosenen Kai ka Akuj kaapei ka asepic a ŋituŋa.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋikiru. 79:10

Kaanukiro imyekinia iyoŋ ŋituŋa a ŋakwapin iŋitasi ebe, “Ai mono eyai Akuj kec?” Kitoodik ŋakwapin iteo isua atemar inyaŋa iyoŋ ŋiketiyak kon ŋulu aponi toarae.

Ŋikiru. 80:6

Ituruwo iyoŋ akwap kosi ŋina emaryaete ŋikidunyet kosi; ikikyenatar isua ŋimoe kosi.

Isa. 30:29

Ieikinete iyes eete lopite ŋolo ieokinioto nakwaare apaki ŋina a ŋasuban a ŋuna asegak, eyakaun alakara lotai kus lopite ŋolo erotokinio ituŋanan iirari eruye a apilu a ŋina enyaritere ŋituŋa alosit lomoru a Ekapolon neni a Ekapolon a ŋolo arae ataaba a Isirael.

Aum. 2:19

Tonyoutu, kigworonokisi Ekapolon akuwar kia, toboŋonokisi akigworonokin Ekapolon nakwaare, tolimokisi Ekapolon ŋakiro daadaŋ ŋuna eya lotai kus, kilipa neni keŋ ikyaarito ŋakan aŋuna a ŋidwe kus a ŋulu iridete alorotin a daadaŋ aŋuna ka akoro.

Aum. 4:1

Ekwaanikin tokona ŋituŋa kosi ka egolid ŋolo aaŋoryan. Ekwaanikin ŋituŋa kosi ielara ka ŋamoru ŋuna ka Akai ka Akuj ŋuna tokona ielakina lorotin ŋulu ke etaun.

Esek. 46:10

Emaikina ani elomunete ikes tooma, tolomu ekepukan daŋ tooma kaapei ka ikes ka ani elomarete ikes kiŋa, toloma ekepukan daŋ kiŋa.

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Naum 1:15

Kiirasi iyes ŋituŋa a Yudaya, adolu alokidiama ŋimoru ekiyakia ŋolo eyaunit ŋakiro ŋuna ajokak, iserae iŋes ŋuna ke ekisil. Iyes ŋituŋa a Yudaya, kinumunuma ŋasuban kus, kisiyookisi ŋakikoŋieta kus, anerae nyikiremete nabo iyes ŋimoe kus, adaun amunyar ikes jik.”

Luk. 16:25

“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Rus. 1:21

Abu ayoŋ orotok a ne ayakar ŋituŋa, nai ekenyaku ayoŋ Akuj emam ipei daŋ. Nyo ikinyaritotor iyes ayoŋ Naomi, torae bo etiya Akuj ŋina etiron erono neni kaŋ.”