Ŋikiru. 40:5 - Ebaibul

⁵ Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 40:5 Iomraidhean Croise

Yob 26:14

Erae ŋun ŋakitoodikineta ŋadi ŋuna a ŋakiro a ŋuna etiya Akuj, ekudyoko ŋakiro ŋuna ajipar iwon ŋuna irworo Akuj. Ŋae epedori kire ayenun agiro ŋina ka apedor ka Akuj?”

Yob 5:9

Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Yob 9:10

Akuj itiyae ŋiticisyo ŋulu apolok nooi ŋulu emam ituŋanan epedori ayenun, Akuj itiyae ŋiboro ŋulu ajokak nooi ŋulu emam ituŋanan epedori akimarun.

Ŋikiru. 136:4

Iŋes bon itiyae ŋiticisyo ŋulu ka aumokin, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 139:6

Aosou ŋina ikoni ŋin, erae ŋina ka aumokin aneni kaŋ; epol nooi, nyapedori ayoŋ aryamun.

Ŋikiru. 71:15

Eserae ayoŋ lotuŋa ŋiticisyo kon ŋulu ka akiyookino, eserae ayoŋ apaaran jwii ŋuna ikiunia iyoŋ isua, tari pa kayeni ayoŋ epite ŋolokiseraet.

Ŋikiru. 73:28

Nai ani eruwor ayoŋ, ejok akikinyomit Akuj, akituruwor Ekapolon ŋolo etiron ekaiunan kaŋ ka alimor ŋiticisyo keŋ daadaŋ.

Ŋikiru. 92:5

Okoe Ekapolon, erae ŋiticisyo kon ŋulu ka aumokin! Eumokina nooi epite ŋolo itamya iyoŋ!

Awos. 11:8

Tema nai Moses irikakini erwor keŋ, “Epote ŋikapolok kus lu daadaŋ neni kaŋ, toryediko alokiŋaren kaŋ ebasi, ‘Apesi, iyoŋ kaapei ka ŋituŋa kon.’ Ekaku a ŋun, arotokini ayoŋ.” Torotok nai Moses aneni a Parao eŋoit nooi.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Yer. 29:11

Kire jik, ayeni ayoŋ ŋakiro ŋuna ayeunit aŋuna kus, ŋayeuniata ŋuna ka ajokis kus, meere ŋuna ka akiwan iyes, akainakini ayoŋ iyes akigeno ŋina ka akiyar a ŋina arwanu.