Ŋikiru. 39:6 - Ebaibul

⁶ Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 39:6 Iomraidhean Croise

Yob 14:1

“Erae ŋituŋa daadaŋ ŋikidouno anaberu; euruwuaka ŋirwa a akiyar kec ka elalak ŋican kec.

Yob 7:16

Aluŋ ayoŋ akiyar kaŋ, nyeriŋa ayoŋ acamit arubakin ayari. Akuj, kimyekinae ayoŋ bon, anerae ekwaanikin ŋirwa kaŋ ka ekieŋanu.

Yob 7:7

“Okoe Akuj, totamunite atemar erae akiyar kaŋ ekuwuam koŋin, nyeŋolikini nabo ayoŋ ajokis.

Ŋikiru. 127:2

Ecaryono anyounun taparacu sek ka alosenen akiper kedil akuwar, itiyae aŋuna ka akimuj, anerae einanakini Ekapolon ŋulu emina iŋes ŋuna iitanito tari apaki ŋina ejotooto.

Ŋikiru. 144:4

Ikwaan ŋituŋa ka ekieŋanu; ikwaan ŋirwa kec ka aribo ŋina eŋopiyari atipei.

Ŋikiru. 89:48

Ŋae epedori akiboi, ido nyetwana? Ŋae ebucar anapedor a ŋina ka akibois a ŋina a ŋikatwak?

Ŋakit. 13:22

Eesyanakinete ŋituŋa ŋulu ajokak ŋiboro kec toryamut ŋipapae kec, nai idyasitae ebari a ŋikasecak erae ŋolo a ŋulu iyookino.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ŋakit. 27:24

anerae nyerae ebari ŋolo a ŋikaru ka ŋikaru, ido nyerubakini ebokot ŋolo ikitopolooritere iyoŋ eyai ŋanyameta ka ŋanyameta.

Ekal. 1:14

Abu ayoŋ eŋolik ŋiticisyo daadaŋ ŋulu itiyao anakwap a na, oyenu atemar, erae ibore daadaŋ ikoŋinait, erae ibore ŋin daadaŋ akirisit ekuwuam.

Ekal. 11:10

Aŋun, nyicamakis ibore idio ikisiyaloloŋi iyes, kori eyauni aryeba nawat kus, anerae erae asoroko ka agogoŋu ŋinakitiyaet ŋakadaunak atipei.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ekal. 12:8

Ebala Ekalimonokinan ebe, “Ikoŋinait! Ikoŋinait! Ikoŋinait ibore daadaŋ!”

Ekal. 2:26

Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Ekal. 2:8

Abu daŋ ayoŋ ocun aŋuna kaŋ esilipa, egolid ka ebari ŋolo a ŋirwosi a ŋice ta ŋolo a ŋakiboisyo a ŋace; abu ayoŋ oryamu ŋikilyok ka ŋaberu ŋulu arae ŋikaeok; abu ayoŋ oryamu ŋinibore daadaŋ ŋini etalakaran, abu ayoŋ oyakaunor ŋaberu ŋuna alalak ŋuna pa eiitit.

Ekal. 5:14

ido toŋopiya ebari ŋol daadaŋ alopite a ŋolo emam ajokis, todaun ibore eyakatar ŋikabarak ŋul, ido emam ibore irumete ŋidwe a ŋikabarak a ŋul.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Luk. 12:26

Ani pa kipedorete iyes asubakin ŋakiro ŋuna epataka ŋun, nyo iŋuruŋuratar iyes kan ŋuluceboro?

Luk. 12:29

“Nyiyaloloŋete tokona ibasi, ‘Okoe, nyo ikinyami kori nyo ikimasi?’

1 Ŋikor. 7:31

Itemokino ŋituŋa ŋulu isitiyaete ŋiboro ŋulu ka akwap a na, kiboiyoto esibit nyidaŋakina ikes loboro ŋul. Anerae epite ŋolo eyakar akwap na tokona, esaluni.

Yak. 4:14

Nyiyenete iyes tari atemar ikokini akiyar kus moi taparacu ai! Ikote iyes apuru ŋina epokun atipei, ido toŋopiya.

Yak. 5:3

Enyasu ekut egolid ka ŋisilipae kus ŋulu amilimilak. Eruwor ekut kec esuuda ŋolo ikisitakinit iyes ka irikari iŋes ŋawat kus ikwa akim. Itukokis iyes ebari kus alorwa a lu a ŋulu esidyok.

1 Pet. 1:24

Ikwapei igiritere Nakigireta atemar, “Ikote ŋituŋa daadaŋ ŋinya, ikoni akecekibuses daadaŋ ŋatur. Einiyarete ŋinya, ido toraraun ŋatur,

1 Pet. 5:7

Yaasi ŋatyokisyo kus daadaŋ neni keŋ, anerae ikiyoki iŋes iyes.