Ŋikiru. 39:5 - Ebaibul

⁵ Idau iyoŋ akitoodikin ayoŋ auruwuanut ŋina a ŋirwa a ŋulu ka akiyar kaŋ, ido aruwor ŋirwa ŋulu ka akiyar kaŋ ŋicaryo alokiŋaren kon. kire jik, ikoni ituŋanan daadaŋ ekuwuam koŋin.

Ŋikiru. 39:5 Iomraidhean Croise

Akisy. 47:9

Toboŋok Yakob Parao tema, “Erae ŋikaru kaŋ anakwap a na amiat apei ka ŋatomoniuni. Ekudyoko ka etyoko ŋikaru ŋulu a akiyar kaŋ ŋul, nyikwaan ka ŋikaru a akiyar atapapaa kaŋ apaki ŋina awosyata akaoyan.”

2 Sam. 19:34

Nai abu Barisilai kiŋit erwosit tema, “Ŋiyai ŋikaru kaŋ ŋulu idoŋito eriŋa ayoŋ ayari, ejokya ayoŋ arukor ka erwosit etipeiyosi Yerusalem?

Yob 7:6

Elunyanarosi ŋirwa a akiyar kaŋ atipei akilo tari akicuta a ŋamotokae alorukude, ido edaunun ŋinakoloŋit emam akigeno ayakar ayoŋ.

Ŋikiru. 144:4

Ikwaan ŋituŋa ka ekieŋanu; ikwaan ŋirwa kec ka aribo ŋina eŋopiyari atipei.

Ŋikiru. 39:11

“Iŋenyakini ka isicani iyoŋ ŋituŋa aŋuna ka asecit kec; itadaununi iyoŋ ebari kec ikwa itodaunia esipiran akimuj, kire jik erae ituŋanan daadaŋ icaryoit, ekuwuam koŋin.

Ŋikiru. 62:9

Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

Ŋikiru. 89:47

Totamunite mono iyoŋ epite ŋolo euruwuania akiyar kaŋ; totamunite mono iyoŋ atemar ibu iyoŋ itosub isua daadaŋ ikirae ŋituŋa ŋulu etwakeneneete!

Ŋikiru. 90:12

Aŋun, kitatamae isua oyenete atemar euruwuana akiyar kosi, ikotere ikiyakaunor aosou kon anakiyar kosi.

Ekal. 1:2

Abu ekalimonokinan ŋol tema, “Akoŋinait! Akoŋinait! Akoŋinait akiyar! Erae ibore daadaŋ ikoŋinait!

Ekal. 2:11

Abu nai ayoŋ otamatama ŋiticisyo daadaŋ ŋulu etiya ayoŋ a ŋakan kaŋ ka ŋuna daadaŋ abu ayoŋ oŋirik aryamun aloticisyo a ŋul. Abu ayoŋ oyenu atemar arae ŋun ŋakoŋinae, ekwaan ka akirisit ekuwuam, ido amamu ibore apedori ayoŋ aryamun anakwap a na.

Isa. 40:17

Erae ŋakwapin daadaŋ ŋakoŋinae alokiŋaren Ekapolon, aneni keŋ erae ikes daadaŋ ŋakoŋinae, mam ibore eyai tooma kec.

Yak. 4:14

Nyiyenete iyes tari atemar ikokini akiyar kus moi taparacu ai! Ikote iyes apuru ŋina epokun atipei, ido toŋopiya.

2 Pet. 3:8

Nai ŋikaakonei ŋuluminan, nyikimuryak ibore ipei! Alokiŋaren Akuj, emam atyaketait alokidiŋ akoloŋit apei ka ŋikaru aliput; aneni keŋ, ikwaan ikes.