Ŋikiru. 37:7 - Ebaibul

⁷ Nyiŋayaŋayata anakikinyomit Ekapolon, kidara iŋes alotooma atitinyikinit ikiŋarak iyes; tocoito nyenepu ekibure aneni kus, iŋolikinete ŋituŋa ebarete anakitiya ŋuna aronok; nyenepu ekibure aneni kus iŋolikinete ŋituŋa itiyaete ŋuna aronok ŋuna eyeto ikes akitiya.

Ŋikiru. 37:7 Iomraidhean Croise

Esta 3:15

Toema ŋikapiranak atipei nakwapin ŋuna epukat Ausero, ikwapei alimokinitor Ausero ikes, ido aponi ŋakiro ŋun kiseraunae alokai ka apukan a ŋina alo Susa. Kiboikinos erwosit ka Aman, kisyakis akimat kaapei, nai apotu ŋituŋa ŋulu a etaun a ŋolo a Susa kiguryakin.

Yob 35:14

Etya nai ai Yob epite ŋolo nyiirarya Akuj ŋakiro kon erae kirworo iyoŋ ebe, ‘Nyete ayoŋ Akuj, eyakasi ŋakiro kaŋ kiŋaren keŋ ka edarit ayoŋ iŋes eketuruwo ayoŋ ŋolo eyookino.’

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Ŋikiru. 40:1

Abu ayoŋ edar Ekapolon, atitinyikinit; abu iŋes okopupok ayoŋ, ido kiira akigworo kaŋ.

Ŋikiru. 50:8

Meere aŋuna a ŋamuronisya kus eketoŋoitor ayoŋ iyes, kori aŋuna a ŋainakineta kus a ŋuna epeyo a ŋuna iyaunenete iyes kiŋaren kaŋ jwi jwi.

Ŋikiru. 62:1

Akuj bon edarit ayoŋ atitinyikinit; neni ka Akuj iŋes aryamunitor ayoŋ aiuno.

Ŋikiru. 62:5

Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

Ŋakit. 20:22

Nyitema ebe, “Etiyae ayoŋ aronis neni a ŋini etiya aronis neni kaŋ;” kikinyom Ekapolon, ikiŋarakini iŋes iyoŋ.

Ekal. 5:8

Ani kiŋolik anakibois etiŋitae ŋulu a ŋican erono ka emam atubonokin anakiyookino ka akiwuapit ŋuna iyookino, nyiumok aŋuna a ŋakiro a ŋun, anerae ite ŋini epol ŋuna itiyae ŋini nyepol akilo iŋes ka eyai ice ŋini epol akilo ikes.

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Yona 1:11

Kiŋita ikes Yona temasi, “Nyo emaikina isua kitiyae neni kon, ikotere edipakin anam aŋuna kosi?” Anerae arubakinit ekuwuam ekusi kimorokokoete ŋakipi ananam.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Ŋigal. 6:9

Nyitemokino iwon ikiup akitiya ŋuna ajokak, anerae ani pa kikiesik iwon akitiya ŋuna ajokak, edoluni apaki ŋina ikiryamunia iwon akilem ŋina ajokan.

Yos. 10:12

Akoloŋit ŋina epotokinio Ekapolon Ŋiamori neni a Ŋisirael amunyar, abu Yosua kirwor neni ke Ekapolon epupete Ŋisirael tema, “Akoloŋ, towo kitiirakin kidiama Gibeon. Elap, towo kitiirakin kidiama akadipaalat Aijalon.”