Ŋikiru. 37:6 - Ebaibul

⁶ Isileereuni iŋes akiyookino kus, kileereu ikwa akica, isileereuni iŋes akiyookino ŋina itubioto ŋakiro kileereu ikwa akica ŋina akidiŋ apaaran.

Ŋikiru. 37:6 Iomraidhean Croise

Yob 11:17

Ejokyar nooi akiyar kon akilo neni ileereo ibore daadaŋ kidiŋ apaaran ecai akoloŋ, ikwaanikin anyipinyip ŋina sek a akiyar kon ka apaki ŋina iwalarya akwap.

Ŋikiru. 31:20

Ibu iyoŋ kiwua ikes anakibois a ŋina iyai iyoŋ, ikotere nyeryamut ŋuna aronok etukete ŋituŋa akitiya neni kec; ibu iyoŋ kiwua ikes anakibois a ŋina ajokan, ikotere nyeryamut ŋiyany alomoe kec.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 58:10

ani kiinakis iyes akimuj kus neni a ŋini enyamit akoro, ido kiŋarakis ŋulu iteryamunitae ŋican, etakanuni nai ajokis kus ŋina sek nyetakani, edaun akiyaloloŋ kus ileereuni ajokis kus ikwa akoloŋ kidiŋ apaaran.

Isa. 58:8

Kitiyata iyes ŋun, ijokyata iyes ikwa akoloŋ elomuni taparacu ka ikitaŋaleunio iyes atipei, ido ikiŋarenikini iyes akiyookino kus, ikiyoki apolou a Ekapolon iyes alokaku.

Yer. 51:10

Adau Ekapolon akisyon iwon; potu olimosi alo Sion ŋiticisyo ŋulu etiya Ekapolon Akuj yok.

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

Mat. 13:43

Ecaunete nai ikwa akoloŋ ŋulu iyookino a Napukan a Papa kec. Iŋes ŋini eya ŋaki ŋuna kiiraret, kiira.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.