Ŋikiru. 37:23 - Ebaibul

²³ Ikiyoki Ekapolon iwon anakiyar yok a daadaŋ, erae elakara iŋes aŋuna ikitiyae iwon,

Ŋikiru. 37:23 Iomraidhean Croise

Ŋikiru. 119:133

Kitogogoŋ ŋakejen kaŋ alotooma akiikinet kon, nyicamak ŋadyakanareta ekelounete ayoŋ.

Ŋikiru. 119:5

Okoe elipi ayoŋ opedo arubakin anakiwuapit ŋakiro kon!

Ŋikiru. 121:3

Nyikimyekini iŋes iyoŋ toryamu ŋican; anerae ekenyi jik ka etenit akiŋarakin.

Ŋikiru. 121:8

Ikidari Ekapolon iyoŋ apaki daadaŋ ŋina ilomarya kiŋa, kori ilomunia tooma; ameun tokona ka ŋikaru ka ŋikaru.

Ŋikiru. 17:5

Ewuapit ayoŋ ŋikukus kon jik; nyeoliyoro ayoŋ alorot kon.

Ŋikiru. 40:2

Abu iŋes okoiu ayoŋ alocan a ŋulu abu oryamu nooi, abu iŋes okoiu ayoŋ nyaloma nakibois a ŋikatwak; abu eketowo ayoŋ aiuna, ayai tokona ayoŋ emam pa akuryana.

Ŋikiru. 40:3

Abu eketeeik ayoŋ eete ŋolokitete, eete ŋolokipuret Akuj yok. Iŋolikinete ŋikalalak apolou a Ekapolon, ido kitopoloosi iŋes.

Ŋikiru. 85:13

Erubakini akiyookino eyai kiŋaren Akuj aŋuna ka akitemonokin neni itori iŋes.

Ŋakit. 11:1

Erae asiilyo aneni a Ekapolon akisitiya akipimet ŋina emodyanakinere ŋituŋa, nai elakara Ekapolon erae kisitiyae ituŋanan akipimet ŋina nyemodyanakinere ŋituŋa.

Ŋakit. 11:20

Erae asiilyo aneni a Ekapolon ayakau ka ŋatameta ŋuna etamete akitiya aronis. nai erae alakara aneni a Ekapolon akitiya ŋuna iyookino.

Ŋakit. 16:9

Eyeete ŋatameta a ituŋanan neni kitoro, nai Ekapolon itolosi ituŋanan aneni ejok.

Ŋakit. 4:26

Toye ejok akitiya ŋuna icamit akitiyakin, eruwor ŋuna itiyae iyoŋ daadaŋ ŋuna iyookino.

Yer. 10:23

Okoe Ekapolon, ayeni ayoŋ atemar, nyepedorito ŋituŋa akiyokuun akiyar kec, nyepedorete ikes akiten akiyar kec.

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.

1 Sam. 29:10

Aŋun nai, tonyou moi taparacu eriŋa ekaikai, tonyoutu kaapei ka ŋiketiyak a ekapolon kon ŋulu irukunioto iyoŋ. Toloto nakibois ŋina akainak ayoŋ iyoŋ. Nai nyinup ŋakiro ŋuna aronok ŋuna ikilimokinete ŋituŋa, anerae itiya iyoŋ ŋakiro ŋuna ajokak neni kaŋ. Kisyakisi arotokin taparacu sek ŋisaae ŋulu ipiripiriunia akoloŋ.”