Ŋikiru. 34:18 - Ebaibul

¹⁸ Eapi ekapolon aneni a ŋulu amamukaun amukeo alotai, ido eiununui ŋulu amamukaun akigeno alotai.

Ŋikiru. 34:18 Iomraidhean Croise

2 Ŋirw. 20:5

“Toboŋo tolimok Esekia ŋolo epolokinit ŋituŋa kaŋ atemar ebala Ekapolon ŋolo erae Akuj a papaa kon a Daudi ebe, ‘Adau ayoŋ akiirar akigworo kon ka aanyun ŋakiyo kon; eketaŋaleuni ayoŋ iyoŋ. Kelunyar ŋirwa ŋiuni ameun akoloŋit na, ilosi iyoŋ tooma Akai ka Akuj.

2 Ŋirw. 22:19

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Ŋikiru. 119:151

Nai iapi iyoŋ aneni kaŋ okoe Ekapolon, ido erae ŋakiciketa kon daadaŋ ŋuna a kire.

Ŋikiru. 145:18

Eapi Ekapolon aneni a daadaŋ a ŋulu enyaraete iŋes, a ŋulu enyaraete iŋes anakiyookino kec.

Ŋikiru. 145:19

Isiyoonokini iŋes akiitanit a ŋulu itopoloorito iŋes; iiranari akigworo kec, eiununui ikes.

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 18:7

Abu nai akwap tomaranik ka kiryaŋiryaŋakin; apotu ŋawoeta a ŋimoru daŋ tomaranikis ka kiryaŋiryaŋakin anerae abu Akuj toŋo.

Ŋikiru. 51:17

Ŋamuronisya ŋuna ecamit Akuj, ikes ŋuna a ŋituŋa a ŋulu itiditeuna alotai kec. Okoe Akuj, nyiŋeri iyoŋ ŋituŋa ŋulu itiditeuna ka ekiito alotai kec.

Ŋikiru. 75:1

Okoe Akuj, ikilakara isua neni kon, ikilakara isua; iserao isua apolou kon, irworosi ŋituŋa ŋuna a ŋiticisyo kon a ŋulu ka aumokin.

Ŋikiru. 85:9

Kire, etenit Akuj aiun ŋulu itopoloorito iŋes, ikotere erubakini apolou keŋ eyai nakwap yok.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Esek. 36:26

Akainakini ayoŋ iyes ŋitai ŋulukitet ka ewuakini ayoŋ ŋatameta ŋunakitet neni kus; alemari ayoŋ aneni akisyaanu kus okoinak iyes ŋitai ŋulu iwuapito ŋakiro kaŋ.

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,