Ŋikiru. 32:1 - Ebaibul

¹ Erereŋ ŋulu adau Akuj akisyon aŋuna ka aronis kec, ŋulu ekisar ŋasecisya kec.

Ŋikiru. 32:1 Iomraidhean Croise

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

Neem. 4:5

Nyijamak asecit kec, ido nyikisa asecit kec alokiŋaren kon, anerae iyanyete ikes ŋikadukok.

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 128:1

Elakara ituŋanan daadaŋ ŋini itopoloorit Ekapolon, ŋini iwuapit ŋakiro a Ekapolon.

Ŋikiru. 40:4

Erereŋ ŋulu ikinyomito Ekapolon ŋulu nyemisito ŋakiro a ŋiketurok, ŋulu nyiwuapito ŋuna koŋinae.

Ŋikiru. 42:1

Ikwaŋinapei iitanitor atili ŋakipi anayonae, ayoŋ daŋ, ekeitanit iyoŋ, okoe Akuj.

Ŋikiru. 45:1

Ileleba ŋakiro ŋuna ajokak lotau kaŋ, apaki na ŋina atamya eete aŋuna ke erwosit. Ikwaan aŋajep kaŋ eeo ejok ka akalamu ŋina ke ekegiran a ŋolo etenit.

Ŋikiru. 52:1

Kaanukiro ituror iyoŋ aŋuna ka aronis, iyoŋ ekile lo ŋolo igogoŋ akilo? Erae Akuj ŋina esyonion ŋikaru ka ŋikaru.

Ŋikiru. 53:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 55:1

Okoe Akuj, topupok akilip kaŋ, nyiwou akiŋarakin ayoŋ.

Ŋikiru. 84:12

Okoe Ekapolon ŋolo a ŋajoresyo, erereŋ ŋituŋa daadaŋ ŋulu ikikinyomito iyoŋ.

Ŋikiru. 85:2

Idau iyoŋ akisyon aronis a ŋituŋa kon; isyoni iyoŋ ikes anasecisya kec a daadaŋ.

Ŋikiru. 89:15

Okoe Akuj elakara ŋituŋa ŋulu ayenut akipuro iyoŋ, ŋulu itojokit iyoŋ.

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.