Ŋikiru. 31:3 - Ebaibul

³ Kire jik irae iyoŋ ataaba kaŋ ka aduketait ŋina ajio ayoŋ alotooma; aŋuna ka akitopoloor ekiro kon, torikoe ayoŋ ka kitenae.

Ŋikiru. 31:3 Iomraidhean Croise

Neem. 9:12

Ibu daŋ iyoŋ kiŋarenik ikes naparan isibit adis ka nakwaare isibit arira, itoodikinit ikes neni kitoro.

Neem. 9:19

ibu iyoŋ anakisyon kon a ŋina apolon nyimyek ikes analoŋisat, abu adis ŋina eŋarenikinit ikes alorot naparan nyimyek ikes, tari arira ŋina eŋarenikinit ikes nakwaare alorot, abu nyimyek ikes.

Ŋikiru. 102:3

anerae iburiburete ŋirwa kaŋ lopite ŋolo epuripuryaaror apuru; akaryebete ayoŋ ŋakoyo, emwaka pe ikwa ŋatotol ŋuna enepete.

Ŋikiru. 116:2

Aŋuna abunio iŋes topupokinia ŋakiro kaŋ, anyarae ayoŋ iŋes ŋirwa daadaŋ ŋulu ka akiyar kaŋ.

Ŋikiru. 139:24

Toanyu erae keyai aronis eyai neni kaŋ, ido torikoe ayoŋ ewuap ŋipitesyo ŋulu a akiyar a ŋina a ŋikaru ka ŋikaru.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 25:11

Aŋuna ka akitopoloor ekiro kon, okoe Ekapolon, kisyoni ŋasecisya kaŋ, anerae elalak nooi.

Ŋikiru. 25:5

Kitatamae ayoŋ ewuap ŋakiro kon ŋuna a kire, anerae irae iyoŋ Akuj kaŋ ka akaiunan kaŋ, ido ekegeno ayoŋ iyoŋ apaaran daadaŋ.

Ŋikiru. 25:9

Itenit Ekapolon anakiyookino ŋulu itiditeuna make, itatami iŋes ŋulu itiditeuna make kiwuapa acamit keŋ.

Ŋikiru. 43:3

Kiyakikinae ayoŋ akica kon ka ŋakiro kon ŋuna a kire, kimyek ikes eketana ayoŋ, kimyek ikes okoyaasi ayoŋ lomoru kon ŋolo asegan, nakibois ŋina iboiyo iyoŋ.

Ŋikiru. 71:3

Toruwor aneni kaŋ ataaba ŋina aiunor ayoŋ, toruwor aduketait ŋina ajio ŋina agogoŋon ŋina akaiuni ayoŋ, anerae irae iyoŋ ataaba kaŋ ŋina kiupala ka aduketait ŋina ajio ayoŋ.

Ŋikiru. 79:9

Kiŋarakinae isua, okoe Akuj akaiunan kosi, ikotere itopolooryo ekiro kon, tolakunae isua ka kisyoni ŋasecisya kosi; ikotere itopolooryo ekiro kon.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Yoa. 16:13

Nai ani ebuni Etau ŋolo irworo ŋuna a kire, ikiyoori iyes nakiro daadaŋ ŋuna a kire; anerae nyirwori iŋes aŋuna ka apedor keŋ bon, nai ebuni iŋes akirwor ŋuna iirarit, nabo ikilimokini iyes ŋuna epote.

Ŋiep. 1:12

Aŋun nai itemokino isua ŋulu ikisyauni akigeno neni a Kristo, eboiyoto ikirae ŋulu ikipuro apolou ŋina ka Akuj.

Yos. 7:9

Ŋina tokona edolyoto ŋakiro nu neni a Ŋikanaani ka ŋituŋa ŋulu ka akwap kec daadaŋ, ikirimokinete ikes isua kidiŋ kitiyata ŋuna nyiirarere nabo jik ekiro kosi anakwap. Nyaanu tokona ŋakiro ŋuna itiyae iyoŋ torubakinia ekiro kon itopolooritae?”