Ŋikiru. 31:23 - Ebaibul

²³ Tominakisi Ekapolon, iyes daadaŋ ŋulu inupito neni ka Akuj. Iuryarit Ekapolon ŋulu ikinyomito iŋes, nai isicaneneene ŋiketurok alopite a ŋolo emaikina kisicanere ikes.

Ŋikiru. 31:23 Iomraidhean Croise

Ŋikiru. 145:10

Okoe Ekapolon, elakarosi neni kon ŋisubuna daadaŋ ŋulu ibu iyoŋ tosub, elakarosi neni kon daadaŋ ŋulu ikikinyomito iyoŋ.

Ŋikiru. 145:20

Iyokit Ekapolon daadaŋ ŋulu eminasi iŋes, nai emunyari Ekapolon ŋulu aronok daadaŋ.

Ŋikiru. 30:4

Toeoto ŋikipurisyo neni ke Ekapolon, iyes ŋikanupak keŋ; kipuro ekiro keŋ ŋolo asegan,

Ŋikiru. 34:9

Kitopoloosi Ekapolon iyes ŋituŋa ŋulu ikinyomito iŋes. anerae ikes ŋulu itopoloorito iŋes, mam ibore icanasi.

Ŋikiru. 54:5

Elipi ayoŋ kinyaŋa iŋes ŋakiro a ŋimoe kaŋ aŋuna ka aronis kec. Anakiyookino keŋ emunyari Akuj ikes.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Ŋikiru. 94:2

Tonyou kareca, okoe ekatubon a ŋakiro a ŋituŋa, kisican ŋiketurok lopite ŋolo emaikina kisicanere.

Ŋikiru. 97:10

Emina Ekapolon ŋulu eŋerito aronis, iyokit iŋes akiyar a ŋikanupak keŋ; eiununui iŋes ikes anapedor a ŋulu aronok.

Isa. 38:10

Abu ayoŋ otema, “Atamak ayoŋ atemar anapakio aŋuna ka asoroko kaŋ, emaikina ayoŋ oŋopiya; adaun ayoŋ akipotokin nakibois a ŋikatwak, ŋirwa ŋulu ka akiyar kaŋ daadaŋ.”

Isa. 56:6

“Tosodi ŋigelaanotin ŋulu eruworosi ŋulu a Ekapolon, ŋulu elimonokinete ŋakiro keŋ, ŋulu eminakinete ekiro a Ekapolon ka ŋulu eruworosi ŋiketiyak keŋ, ikes daadaŋ ŋulu itopoloorito akoloŋit ŋina a Sabato tomam akiyany akoloŋit ŋin, ido kiricakinito a ŋinapaki acamunet kaŋ,

Esek. 37:11

Tema nai Ekapolon neni kaŋ, “Lokoku a ituŋanan, isikwaanitae ŋakoyo nu ka Ŋisirael daadaŋ. Ebasi Ŋisirael, ‘Aoko ŋakoyo kosi deu ka adaun akigeno aneni kosi, nyeriŋa ikimisitae isua.’

Mar. 12:23

Nai anayarun, eruwor mono aberu ŋin ŋina ka ali? Anerae abu iŋes toruwor aberu a ŋikaitotoi a ŋulukanikaarei a ŋul.”

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 30:16

Ani kiwuapa iyes ŋakiciketa a Ekapolon Akuj kus, ŋuna ekecik ayoŋ iyes nakoloŋit na anamina Ekapolon Akuj kus, iwuapito ŋakiro keŋ ka iricito ŋakiciketa keŋ, ŋikisila keŋ ka ŋakiro keŋ ŋuna etubunit iŋes, iyarete nai iyes ka ipitunete, ido ikiterereŋi iyes Ekapolon Akuj kus anakwap a ŋina eapi iyes alomar akituruwor ŋina kus.

Ŋikis. 32:41

ani epenari ayoŋ ekileŋ kaŋ ŋolo imilya, otubok ŋituŋa, enyaŋi ayoŋ ŋakiro a ŋimoe kaŋ, ido esican ŋulu akaremokino ayoŋ.

Ŋikis. 33:3

Okoe iyoŋ ŋolo ikiminasi ŋituŋa daadaŋ, iyoki iyoŋ ŋituŋa daadaŋ ŋulu asegak, ilipete ikes neni kon, iwuapito ikes ŋakiro ŋuna ilimokini iyoŋ ikes.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.