Ŋikiru. 31:22 - Ebaibul

²² Abu ayoŋ otema apaki ŋina ayakar locan, “idau iyoŋ akiritar ayoŋ aneni kon.” Nai ibu iyoŋ kiira akigworo kaŋ, apaki ŋina akanyara ayoŋ iyoŋ akiŋarakin ayoŋ.

Ŋikiru. 31:22 Iomraidhean Croise

Yob 35:14

Etya nai ai Yob epite ŋolo nyiirarya Akuj ŋakiro kon erae kirworo iyoŋ ebe, ‘Nyete ayoŋ Akuj, eyakasi ŋakiro kaŋ kiŋaren keŋ ka edarit ayoŋ iŋes eketuruwo ayoŋ ŋolo eyookino.’

Ŋikiru. 116:11

Abu ayoŋ anakadakinit kaŋ otema, “Erae ŋituŋa daadaŋ ŋikalyokonok.”

Ŋikiru. 17:7

Kitoodiu amina kon ŋina apolon nooi, Okoe ekaiunan a ŋulu eponito neni kon aiuno alomoe kec.

Ŋikiru. 31:17

Nyikimyek ayoŋ ekesurumyo ŋileec, okoe Ekapolon anerae neni kon ekinyomit ayoŋ; kimyek ŋulu aronok kisurumae ŋileec kimyek ikes toloto nakibois a ŋikatwak kililiŋa cek a nen.

Ŋikiru. 6:9

Adau Ekapolon akiirar adyekitoi kaŋ aŋuna ka akisyon ayoŋ; adau Ekapolon aboŋokin akilip kaŋ.

Ŋikiru. 66:20

Arereŋu toyai neni ka Akuj, anerae nyeŋero iŋes akilip kaŋ, kori nyelemara iŋes aneni kaŋ amina keŋ ŋina nyiryaŋiryaŋa.

Ŋikiru. 88:16

Ekenyaadiya ayoŋ anyunyura kon; eketapapanut ayoŋ ŋakisicaneta kon.

Isa. 49:14

Nai ebasi ŋituŋa a Sion ebe, “Ikimyek Ekapolon isua, ikimuryakin isua aneni ke Ekapolon.”

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Esek. 37:11

Tema nai Ekapolon neni kaŋ, “Lokoku a ituŋanan, isikwaanitae ŋakoyo nu ka Ŋisirael daadaŋ. Ebasi Ŋisirael, ‘Aoko ŋakoyo kosi deu ka adaun akigeno aneni kosi, nyeriŋa ikimisitae isua.’

Yona 2:4

Abu ayoŋ otema, “Ekeritar ayoŋ aneni kon; alipite nabo apedorya ayoŋ akiŋoliunia eŋolik Akai kon ŋina Asegan?

Luk. 11:10

Anerae ŋinituŋanan iŋita, einakinio; ŋini iwarit, eryamuni; ka ŋini ikoŋikoŋi, eŋaaryo.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

1 Sam. 23:26

Ani eyai Saul emukura epeiwae, toyai Daudi ka ŋikajiok ŋulu arukito ka iŋes lowae ŋoloce, ikomaete atipei aekar aneni a Saul; anerae aapi ŋajorei a Saul akirimokin emukura kidiŋ, ikotere ikamunete Daudi ka ŋikajiok ŋulu arukito ka iŋes.

1 Sam. 25:32

Tema Daudi neni ka Abigail, “Akipuro toyai neni ke Ekapolon Akuj a Ŋisirael, a ŋina ikiyaku iyoŋ nakoloŋit na akiryamun ka ayoŋ.

1 Sam. 27:1

Abu Daudi totamatama alotau keŋ tema, “Epedori Saul akiar ayoŋ apeikoloŋit ŋirwa lupei lu. Ŋuna emaikina ayoŋ etiya iŋes akisii nakwap a Ŋipilistin; oeka aneni a Saul, ikotere nai eupi Saul akiwarit ayoŋ tooma akwap a Isirael.”