Ŋikiru. 3:3 - Ebaibul

³ Nai okoe Ekapolon, iyoŋ irae aupal ŋina ipakarit ŋican kaŋ, iyoŋ ikiinakini ayoŋ akiloun iyoŋ ikinyakakini ayoŋ atitinyu.

Ŋikiru. 3:3 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 40:13

alotooma ŋirwa ŋiuni, ikilemuni iyoŋ Parao alojera, ido ikinyakak iyoŋ lotic kon. Iwuakini iyoŋ ekopo a Parao nakan keŋ lopite ŋolopei sek iwuanakinia apaki ŋina iraakar iyoŋ ŋolo ipolokinit ŋulu ayaununeete ekopo neni a Parao.

2 Ŋirw. 18:30

Ebala iŋes nyicamut Esekia ikilimonokini iyes akikinyom Ekapolon ebala, kire ikilakuni Ekapolon iyes ka nyipotokini Ekapolon Yerusalem nakan ŋuna ke erwosit ka Asiriya.

2 Ŋirw. 18:32

akitodol ŋina akaomunio ayoŋ iyes akiya nakwap ŋina ikwaan ka ŋina kus, nakwap ŋina eya ŋikinyom ka epiini, nakwap ŋina eya ŋamugati ka ŋimanikorin ŋulu ke epiini, nakwap ŋina eya ŋikito ŋulu ka akimyet ka eyai ao daŋ. Ikiteyarete iyes ŋamuja ŋun, nyitwakete. Kiuryaasi Esekia nyikimodianak aŋuna irworor ebe, ‘Ikilakuni Ekapolon iyes.’

2 Ŋirw. 25:27

Alokaru a ŋolo a ŋatomoniuni ka ŋikanikaarei ŋirwa ke elap ŋatomoniarei ka ŋikanikaarei, elap ŋolo a ŋitomon ka ŋiarei, eriŋa Yeoiakim erwosit a Yudaya erae emabus alo Babiblon, kisyak Ebilimerodak ŋolo alo Babilon akipuka Babilon, tolacak Ebilimerodak Yeoiakim erwosit a Yudaya alomabus.

Ŋikiru. 110:7

Emasi erwosit ŋakipi anayonae a ŋina alodiyete erot, aŋun, itogogoŋio iŋes ka erubakini erae ekelounan.

Ŋikiru. 119:114

Irae iyoŋ neni aŋopitor ayoŋ ka aupal kaŋ ŋina ipakarit ŋican kaŋ; ewuak ayoŋ akigeno kaŋ nakirot kon.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 27:6

Aŋun, elouni ayoŋ ŋimoe kaŋ ŋulu ekerikaunito ayoŋ. Anaeo a ŋina ka alelyanu, aai ayoŋ ŋamuronisya Kai ke Ekapolon, aeikini ka epuri ayoŋ Ekapolon.

Ŋikiru. 28:7

Ekapolon iŋes agogoŋu kaŋ ka aupal kaŋ; neni keŋ iŋes ekinyomit ayoŋ a etau kaŋ a daadaŋ; aŋun, ekeŋarakinit ayoŋ Ekapolon, ido elelyani etau kaŋ, tosodi a eete kaŋ, alakar ayoŋ neni keŋ.

Ŋikiru. 4:3

Toyenutu atemar adau Ekapolon asetar nawae ŋulu ikinyomito iŋes aŋuna ka aruwor ŋulu keŋ; iirari Ekapolon ŋakiro kaŋ apaki ŋina anyaraa ayoŋ iŋes.

Ŋikiru. 62:7

Erae neni ka Akuj aiuno aiuno ka apolou; iŋes aupal kaŋ ŋina agogoŋon, iŋes akaiunan kaŋ.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Isa. 60:19

Nyeruwor nabo akoloŋ ikiinakini iyes akica naparan, kori nyecauni neni kus nakwaare akica ŋina ke elap, nai Ekapolon eruwor akica kus ŋina a ŋikaru ka ŋikaru ka eruwor Akuj kus apolou kus.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.