Ŋikiru. 27:6 - Ebaibul

⁶ Aŋun, elouni ayoŋ ŋimoe kaŋ ŋulu ekerikaunito ayoŋ. Anaeo a ŋina ka alelyanu, aai ayoŋ ŋamuronisya Kai ke Ekapolon, aeikini ka epuri ayoŋ Ekapolon.

Ŋikiru. 27:6 Iomraidhean Croise

Akisy. 40:13

alotooma ŋirwa ŋiuni, ikilemuni iyoŋ Parao alojera, ido ikinyakak iyoŋ lotic kon. Iwuakini iyoŋ ekopo a Parao nakan keŋ lopite ŋolopei sek iwuanakinia apaki ŋina iraakar iyoŋ ŋolo ipolokinit ŋulu ayaununeete ekopo neni a Parao.

Akisy. 40:20

Ani edolete ŋirwa ŋiuni, akoloŋit ŋina enumunumere ŋasuban ŋuna a akidouno a Parao, kitemok Parao ŋasuban aŋuna a ŋiketiyak keŋ. Tolemu alokidiŋ ŋiketiyak keŋ ŋulu aya lojera lu: Ŋolo sek apolokinit ŋulu ayaununeete ekopo neni keŋ ka ŋolo sek apolokinit akipore ŋamugati keŋ.

2 Sam. 22:1

Abu Daudi toeik eete lo neni a Ekapolon apaki ŋina aiunia Ekapolon iŋes alomoe keŋ a daadaŋ ka aneni a Saul.

2 Sam. 22:49

Akuj ŋina abu okoiu ayoŋ alomoe kaŋ. Ibu iyoŋ ikitopoloo ayoŋ, epuka ŋimoe kaŋ; ibu iyoŋ ikiu ayoŋ alotuŋa a ŋulu aryenyaanak.

2 Sam. 7:9

Arukitoe iwon ŋinapei aneni daadaŋ ibu iyoŋ tolot, ido amunya ayoŋ ŋimoe kon daadaŋ ŋulu eriwokina kiŋaren kon. Eturuwori ayoŋ ekiro kon ŋolo eyenen nooi, kikwaanikin ka ŋirorwa a ŋarwonita anakwap.

2 Ŋirw. 25:27

Alokaru a ŋolo a ŋatomoniuni ka ŋikanikaarei ŋirwa ke elap ŋatomoniarei ka ŋikanikaarei, elap ŋolo a ŋitomon ka ŋiarei, eriŋa Yeoiakim erwosit a Yudaya erae emabus alo Babiblon, kisyak Ebilimerodak ŋolo alo Babilon akipuka Babilon, tolacak Ebilimerodak Yeoiakim erwosit a Yudaya alomabus.

1 Ŋakiro a ŋirwa 22:18

“Nyirukito mono iyes ke Ekapolon Akuj kus a? Nyeinakina mono iŋes iyes akieŋar ejie alowaetin a daadaŋ a? Akainaki iŋes ayoŋ akipuka ŋituŋa ka akwap a na, ido aruwor akwap na ŋina ke Ekapolon ka ŋina a ŋituŋa keŋ.

Ŋikiru. 107:22

Emaikina ikes inakis Ekapolon ŋamuronisya ŋuna ka alakara ka tolimosi ŋiticisyo ŋulu ke Ekapolon alotooma ŋieosyo ŋulu ka alelyanu.

Ŋikiru. 110:7

Emasi erwosit ŋakipi anayonae a ŋina alodiyete erot, aŋun, itogogoŋio iŋes ka erubakini erae ekelounan.

Ŋikiru. 119:108

Tocamu, okoe Ekapolon akipuro kaŋ ŋina ekepuror ayoŋ iyoŋ ka acamit, kitatamae ayoŋ ŋakiro ŋuna itubunit iyoŋ.

Ŋikiru. 138:5

Eeokinete ikes ŋuna idau iyoŋ akitiya ka ŋuna a ŋiticisyo kon a ŋulu ka aumokin.

Ŋikiru. 21:1

Okoe Ekapolon, elelyani erwosit anagogoŋu a ŋina ibu iyoŋ inak iŋes. Elelyani iŋes nooi aŋuna a akiloun a ŋina iinak iyoŋ iŋes.

Ŋikiru. 21:13

Ikipuri isua iyoŋ okoe Ekapolon, aŋuna ka agogoŋu kon a ŋina apolon nooi; ikieikini ka ikipuri isua apedor kon.

Ŋikiru. 3:3

Nai okoe Ekapolon, iyoŋ irae aupal ŋina ipakarit ŋican kaŋ, iyoŋ ikiinakini ayoŋ akiloun iyoŋ ikinyakakini ayoŋ atitinyu.

Ŋikiru. 3:4

Ekaloikini ayoŋ Ekapolon ekeŋarak ayoŋ, ido akaboŋokini iŋes ayoŋ alomukura keŋ a ŋolo asegan.

Ŋikiru. 47:1

Iyes ŋituŋa daadaŋ toramakisi ŋakan kus, kitoodiunito alelyan kus, kipuro Akuj ieosi nooi,

Ŋikiru. 57:8

Akyenyuni ayoŋ oramak agita ka aduŋgu akyenyuni ayoŋ eriŋa kide nyereŋuna.

Ŋikiru. 81:1

Toeoto icelasi neni ka Akuj a ŋina erae agogoŋu yok; toeoto ka alelyanu neni ka Akuj a Yakob.

Ŋikiru. 95:1

Potu, epuro Ekapolon; oeikisi ka alelyanu neni ka Akuj a ŋina erae akaiunan yok!

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Yer. 31:7

anerae alimu Ekapolon atemar, toeikisi icelasi ka alakara aŋuna a ŋituŋa a Yakob, tocelutu aŋuna ka akwap a ŋina epol akilo ŋakwapin daadaŋ, kiserautu, inakisi akipuro, temasi ‘Okoe Ekapolon, toiu ŋituŋa kon, ŋipiya a Ŋisirael.’

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.