Ŋikiru. 27:4 - Ebaibul

⁴ Ibore ipei ŋini eitanit ayoŋ, ŋini adau ayoŋ akiŋit Ekapolon; iŋes akiboi alo Kai ke Ekapolon ŋirwa daadaŋ ŋulu ka akiyar kaŋ, arubakini ete akibuses ŋina ke Ekapolon ka akiwar acamit keŋ alo Kai keŋ.

Ŋikiru. 27:4 Iomraidhean Croise

2 Sam. 21:1

Alokaru a ŋulu araakar Daudi ekepukan, abu eron toropik eyai nakwap keŋ ŋikaru ŋiuni; aŋun, abu Daudi kiŋit Ekapolon ŋakiro a ŋironia a ŋul. Toboŋok Ekapolon iŋes tema, “Erae aŋuna iilitor Saul ka ekal keŋ aŋuna aponiata toara Ŋigibeoni.”

Ŋikiru. 23:6

Kire jik, ajokis ka akisyon kon erubakinete aneni kaŋ, ŋarwa daadaŋ ŋuna ka akiyar kaŋ; ka arubakini ayoŋ eboi alo Kai ka Akuj ŋirwa daadaŋ ŋulu ka akiyar kaŋ.

Ŋikiru. 26:6

Ekapolon, elotari ayoŋ ŋakan kaŋ etoodiunit atemar nyasecit;

Ŋikiru. 26:8

Okoe Ekapolon, amina ayoŋ Akai kon ŋina iboiyo iyoŋ ka akibois ŋina iyai iyoŋ icai nooi.

Ŋikiru. 27:8

Ebala etau kaŋ neni kaŋ, “Bua, kilip neni ke Ekapolon!” Okoe Ekapolon elipi ayoŋ neni kon.

Ŋikiru. 50:2

Ecai Akuj alo Sion, alotaun a ŋolo ibus nooi.

Ŋikiru. 65:4

Erereŋ ŋulu iseuni iyoŋ, ido iyau diyete kon, ido kiboikinos nalapatui a Akai kon. Ikimwonikin isua aŋuna a ŋiboro a ŋulu ka ajokis a ŋulu ikiryamuni isua alo Kai kon, alo Kai kon a ŋina asegan.

Ŋikiru. 84:10

Ejok nooi ayakaun akoloŋit apei Kai kon, akilo ayakaun iwace ŋarwa aliput, ejok ayoŋ nooi ayakau lopuke ŋolo ka Akai ka Akuj kaŋ akilo ayoŋ akiboi aloeemae a ŋituŋa a ŋulu aronok;

Ŋikiru. 84:4

Elakara ŋulu iboiyete alo Kai kon ikipurosi iyoŋ a ŋinapaki daadaŋ.

Ŋikiru. 90:17

Toyai neni yok ajokis ŋina ke Ekapolon a Akuj yok ka ikitabar iwon a etic a ŋolo a ŋakan yok; okoe Akuj, kitabarae isua a etic a ŋolo a ŋakan kosi.

Yer. 29:13

Ani kikiwara iyes ayoŋ, ikiryamunete iyes ayoŋ, ani kikiwara iyes ayoŋ a ŋitai kus a daadaŋ,

Dan. 9:3

Abu nai ayoŋ ewar Ekapolon Akuj ewarit aboŋokinet, abu etiya ŋun, anakilip, anadyekitoi, anakiredakin akiron, ananapit ŋiguniyae ka akipurupura ekuron.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Luk. 10:42

nai ipeibore bon epol. Aseu Maria ibore ŋini ajokan ŋini nyelemaryo aneni keŋ!”

Luk. 13:24

“Toŋirikisi ka agogoŋu alomar alokek a ŋolo adidiŋan. Anerae akalimokini ayoŋ iyes atemar, eŋirikinete ŋikalalak alomar tooma, nai nyepedorete.

Luk. 18:1

Tosodi Yesu tolimok ŋikeekasyomak akitadapet aŋuna ka akitatamya ikes atemar itemokino ikes akilipenen jwi jwi tomam akiup.

Luk. 2:37

Arae iŋes apuserut ŋina adolito ŋikeekaru ŋatomonikanikauni ka ŋiomwon. Pa arotonokini iŋes alo Kai ka Akuj; etiyae etic ŋolo ke Ekapolon Akuj apaaran jwii ka akuwar kya, kikanyanakini akimuj kilipi akilip bon.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋipil. 3:13

Kire ŋikaitotoi kaŋ, nyatami ayoŋ atemar aryamu ayoŋ iŋes; nai ipeibore ŋini etiyae ayoŋ erae aesikin ŋuna alunyarosi, akeri ka agogoŋu aŋuna eyakasi kiŋaren.

1 Tim. 5:5

Apuserut ŋina erae iŋes bon, ŋina emam kire jik ituŋanan ŋini iŋarakinit, iŋes igeno neni ka Akuj, erubakini ilipi ka imaimai Akuj, nakwaare ka naparan.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”

1 Sam. 22:10

Abu Aimelek kiŋit Ekapolon ŋakiro ŋuna emaikina Daudi kitiya; abu daŋ iŋes inak Daudi akimuj ka ekileŋ a Golias a Epilistait.”

1 Sam. 30:8

Kiŋit nai Daudi Ekapolon ŋuna emaikina iŋes kitiya tema, “Atupakini ba ŋimoe ŋulu keremete ne? Apedori ayoŋ arukaun ikes a?” Toboŋok Ekapolon iŋes tema, “Totupak; anerae kire jik, irukauni iyoŋ ikes ka kire jik, inyakuni iyoŋ ŋituŋa ŋulu erikitoe.”