Ŋikiru. 27:1 - Ebaibul

¹ Ekapolon iŋes akica kaŋ ka aiuno kaŋ, ŋae nai akeri ayoŋ? Neni ke Ekapolon iŋes ayakaun ayoŋ aiuna; ŋae nai akuryaniaror ayoŋ?

Ŋikiru. 27:1 Iomraidhean Croise

Yob 29:3

apaki ŋina eketerereŋitor ayoŋ Akuj, apaki ŋina alosyo ayoŋ eketoodikinit iŋes ayoŋ neni etori anakiryonut;

Ŋikiru. 11:1

Neni ke Ekapolon iŋes aryamunia ayoŋ aiuno; kaanukiro ikilimonokiniata iyes ayoŋ ebe, “Tosi kidiama ŋimoru ikwa ikenyit,

Ŋikiru. 118:21

Alakar ayoŋ neni kon aŋuna ikiboŋokinio ayoŋ; idau iyoŋ aruwor aiuno kaŋ.

Ŋikiru. 118:6

Ikwapei eyakar Ekapolon diyete kaŋ, emam akuryanu eyai neni kaŋ. Anukiro epedorete ŋituŋa akitiya neni kaŋ?

Ŋikiru. 18:28

Okoe Ekapolon, iyoŋ ikiinakinit ayoŋ akiyar; iyoŋ Ekapolon Akuj ilemari aronis aneni kaŋ ikiinak ayoŋ akiyar.

Ŋikiru. 18:29

Anakiŋarakinet kon, apedori ayoŋ amunyar ajore; anakiŋarakinet ka Akuj kaŋ, apedori ayoŋ akikalam arwatata.

Ŋikiru. 18:46

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ ŋina ka aiuno kaŋ.

Ŋikiru. 19:14

Kimyek ŋakiro ŋuna erworo ayoŋ ka ŋuna eomomoe etau kaŋ toruworos ŋuna icamit iyoŋ, okoe Ekapolon, ekaiunan kaŋ ka ekalakunan kaŋ.

Ŋikiru. 3:8

Neni kon Ekapolon ebunitor aiuno; elipi min arereŋu kon neni a ŋituŋa kon.

Ŋikiru. 43:2

anerae irae iyoŋ Akuj akaiunan kaŋ; kaanukiro ikimuryakinia iyoŋ ayoŋ? Kaanukiro arubakinitor ayoŋ aryamunit; ŋican anadedeŋu a ŋimoe kaŋ?

Ŋikiru. 62:2

Iŋes bon erae aupal kaŋ ka aiuno kaŋ, aduketait kaŋ ŋinajiet; emam ibore eketubuli ayoŋ.

Ŋikiru. 62:6

Iŋes bon erae aupal kaŋ ka aiuno kaŋ, aduketait kaŋ ŋinajiet; emam ibore eketubuli ayoŋ.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 2:5

Okoe ŋituŋa a Yakob. potu ewuapa ŋuna ikilimokinit Ekapolon!

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 8:26

Toboŋok Yesu ikes tema, “Nyo ikibulitor iyes ikona? Abe edit anupit kus!” Tonyou nai Yesu, kikilyak ekuwuam ka ŋakipi, kililiŋ akwap cek.

Luk. 2:30

Anerae aanyu ayon elope aiuno kon,

Luk. 3:6

nabo eanyunete ŋituŋa daadaŋ aiuno ŋina ka Akuj!’ ”

Yoa. 1:9

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

2 Ŋikor. 12:9

Nai abu iŋes okolimok ayoŋ tema, “Ajokis kaŋ iŋes bon iitanit iyoŋ, anerae egogoŋ apedor kaŋ nooi apaki ŋina ipalagia iyoŋ.” Alakari ayoŋ nooi eturokin aŋuna ka apalagu kaŋ, ikotere min apedor ŋina a Kristo tooma kaŋ.

Ŋikis. 7:18

Nyikuryaketa aŋuna kec. Nai totamunito ŋuna abu Ekapolon Akuj kus kitiya neni a Parao ka nakwap a Ijipit daadaŋ,

Ŋikis. 7:21

Nyikibul aŋuna kec, anerae Ekapolon Akuj kus ŋina irukitotor iyes, erae Akuj ŋina etubulon.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋibur. 13:6

Aŋun, ikitemari pa ikikuryanit ebe, “Ekapolon iŋes ekeŋarakinit ayoŋ, nyakuryaniar ayoŋ. Nyo nai tokona epedori ituŋanan akitiyakin neni kaŋ?”

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.

Akis. 7:10

Tocelas a ŋitoilon a ŋulu apolok ebasi, “Ebunit aiuno aneni ka Akuj yok a ŋina iboi alokicoloŋ ka aneni a Imesek!”