Ŋikiru. 25:9 - Ebaibul

⁹ Itenit Ekapolon anakiyookino ŋulu itiditeuna make, itatami iŋes ŋulu itiditeuna make kiwuapa acamit keŋ.

Ŋikiru. 25:9 Iomraidhean Croise

Ŋikiru. 119:35

Kimyekinae ayoŋ ewuap ŋakiciketa kon, anerae nen iŋes aryamunia ayoŋ alakara.

Ŋikiru. 119:66

Kitatamae ayoŋ akitub ŋakiro ejok ka aosou, anerae anupit ayoŋ ŋakiciketa kon.

Ŋikiru. 143:10

Kitatamae ayoŋ etiya acamit kon, anerae irae iyoŋ Akuj kaŋ; elipi ayoŋ okorik etau kon nyaloma natyokisyo.

Ŋikiru. 147:6

Iŋarakinit Ekapolon ŋulu itiditeuna make, nai emunaanari ŋulu aronok kitoloma kwap.

Ŋikiru. 149:4

anerae elakara Ekapolon aŋuna a ŋituŋa keŋ, itopoloori ŋulu itiditeuna make inak akiloun.

Ŋikiru. 22:26

Imujete ŋulu a ŋican kimwoko; ipurete Ekapolon ŋulu itopoloorito iŋes, elipi inak Akuj ikes alakara anakiyar kec a daadaŋ

Ŋikiru. 23:3

Akainakini iŋes ayoŋ agogoŋu ŋina kitete, eketenari iŋes ayoŋ lorotin ŋulu ajokak aŋuna a ekiro keŋ.

Ŋikiru. 27:11

Okoe Ekapolon, kitatamae ayoŋ ŋuna icamit iyoŋ ayoŋ ewuap, kisiwuapae ayoŋ ŋuna iyookino alokiŋaren kon, anerae elalak ŋimoe kaŋ.

Ŋikiru. 73:24

Ikitenit iyoŋ ayoŋ a ŋakitatameta kon, ekaku, ikijaari iyoŋ ayoŋ tooma napolou.

Ŋikiru. 76:9

apaki ŋina inyounio iyoŋ Akuj akitub ŋakiro ka aiun daadaŋ ŋulu isicanitae anakwap.

Ŋakit. 8:20

Ewuapit ayoŋ ŋuna ka akiyookino, ewuapit ayoŋ ŋuna a kire,

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Mat. 5:5

Erereŋ ŋulu iyapara; eruwor akwap ŋina kec.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Ŋitic. 13:10

tolimu tema, “Iyoŋ lokoku a Satan! Iyoŋ emoit ŋolo ka akiyookino a daadaŋ! Ileleba iyoŋ ŋamodyanakineta ŋuna egelegelya ka aronis! Nyijoŋoenene mono iyoŋ akilocenen ŋakiro ŋuna ke Ekapolon ŋuna a kire, kituruwo alyokonu a?

Ŋitic. 9:2

akiŋit ŋabaruwae ŋuna itoodiunito atemar ecamakinitae iŋes alosit losinagogae ŋulu alo Damasko, ikotere ani keryamu ituŋanan idio ŋini enupit Kristo, ekile kori aberu, kikama ikes, toen ya Yerusalem. (Anyaritae daŋ ŋikewuapak a Kristo, “Ŋulu ke Erot.”)

Ŋigal. 5:23

akitiditeuna ka akiyokiuno bon. Emam Ŋikisila eremokino ka ŋakiro ŋuna ikote ŋun.

Ŋibur. 10:20

Ikiŋak iŋes iwon erot ŋolokitete, ŋolo erae ŋolo ka akiyar, alomarya yaaye anaŋga. Erae anaŋga ŋin akeekuwan ke elope.

Yak. 1:21

Aŋun, toesikisi ŋakiro ŋuna aronok ka ŋipitesyo ŋulu aronok daadaŋ. Kijautu ka akiyapara akirot ŋina iwuakinit Akuj lotai kus, ŋina epedori akiteyar ŋitai kus.

1 Pet. 3:15

Nai kipuro Kristo alotai kus ka kitopoloosi iŋes erae Ekapolon. Totenito ŋisaae daadaŋ aboŋokin ŋinituŋanan ikiŋisi iyes alimor akigeno ŋina eyai tooma kus;

1 Pet. 3:4

Nai akilo, itemokino akibuses kus erae ŋina ebunit alotau, akibuses ŋina nyinyasun, ŋina erae etau ŋolo iyapara ka ŋolo isilit. Akibuses ŋin iŋes epol alokiŋaren Akuj.