Ŋikiru. 25:5 - Ebaibul

⁵ Kitatamae ayoŋ ewuap ŋakiro kon ŋuna a kire, anerae irae iyoŋ Akuj kaŋ ka akaiunan kaŋ, ido ekegeno ayoŋ iyoŋ apaaran daadaŋ.

Ŋikiru. 25:5 Iomraidhean Croise

Akisy. 49:18

Akuj, edarit ayoŋ aiuno aneni kon,

Neem. 9:20

Ibu iyoŋ inak ikes etau kon ŋolo ajokan akitatam ikes, nyelemara iyoŋ Manna kon anakituka kec ka ibu iinak ikes ŋakipi aŋuna ka akure.

Yob 36:22

Kiira, itopolooritae Akuj anapedor keŋ; ŋae erae eketataman keŋ?

Ŋikiru. 107:7

Abu kiten ikes kitoryo lorot ŋolo acorosi, akitodol ŋina adolyoto ikes lotaun ŋolo apotu ikes kiboiyoto.

Ŋikiru. 119:26

Abu ayoŋ okolimok iyoŋ ŋipitesyo kaŋ, ido ibu iyoŋ ikiboŋok ayoŋ; kitatamae ayoŋ ŋakiro ŋuna itubunit iyoŋ.

Ŋikiru. 119:33

Kitatamae ayoŋ okoe Ekapolon, oyenu ŋakiro ŋuna itubunit iyoŋ; ikotere nai ayoŋ ewuapi ikes ŋarwa daadaŋ.

Ŋikiru. 119:66

Kitatamae ayoŋ akitub ŋakiro ejok ka aosou, anerae anupit ayoŋ ŋakiciketa kon.

Ŋikiru. 119:97

Okoe ayoŋ amina nooi ŋikisila kon, atamatamae ayoŋ ikes apaaran jwii,

Ŋikiru. 22:2

Okoe Akuj kaŋ, egworo ayoŋ a ŋinapaaran, nai nyeboŋokino iyoŋ ŋakiro kaŋ; egworo ayoŋ a ŋinakoloŋit nakwaare, nai mam akieŋar eliliŋ.

Ŋikiru. 24:5

Eryamunete ikes ŋarereŋisyo aneni ke Ekapolon, elimuni Akuj ŋina erae akaiunan atemar emam ŋakiro esecito ikes.

Ŋikiru. 25:10

Itenit Ekapolon anamina ka anakikinyoma daadaŋ ŋulu iwuapito acamunet keŋ ka ŋuna elimunit iŋes.

Ŋikiru. 25:8

Ejok ka iyookino Ekapolon; aŋun, itatami iŋes ŋikasecak akiwuap ŋakiro keŋ.

Ŋikiru. 68:20

Akuj yok iŋes erae Akuj ŋina aiunan; ido neni ka Akuj Ekapolon iŋes ikiryamunia aiun anatwanare.

Ŋikiru. 79:9

Kiŋarakinae isua, okoe Akuj akaiunan kosi, ikotere itopolooryo ekiro kon, tolakunae isua ka kisyoni ŋasecisya kosi; ikotere itopolooryo ekiro kon.

Ŋikiru. 86:3

okoe Ekapolon, kisyoni ayoŋ, anerae akanyarit ayoŋ iyoŋ apaaran jwii.

Ŋikiru. 88:1

Okoe Ekapolon, Akuj ŋina irae akaiunan kaŋ, egworo ayoŋ neni kon apaaran jwii, ani nakwaare obu kiŋaren kon.

Ŋakit. 23:17

Kiurya nyiburakis etau kon ŋuna itiyaete ŋikasecak, nai torubak a ŋinapaki itopoloorit Ekapolon.

Ŋakit. 8:34

Erereŋ ituŋanan ŋini epupi ŋakiro kaŋ, erereŋ ŋini iboi a ŋinakoloŋit alopukei kaŋ, erereŋ ŋini idarit alodiyete ŋipukei kaŋ aryamun ŋuna ecamit.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Luk. 18:7

Ani bo Akuj, nyepedori mono iŋes akitiya neni ajokan loseuna keŋ ŋulu igworonokinete iŋes apaaran jwii ka akuwar kya ecamito akiŋarakino a? Edidi iŋes akiŋarakin ikes a?

Yoa. 14:26

Ebuni nai ekeŋarakiniton, Etau ŋolo Asegan, ŋolo iyakuuni Papa alokiro kaŋ, ikitatam iyes ŋakiro daadaŋ ka ikitatamunite iyes ŋuna daadaŋ adau ayoŋ alimokin iyes.

Yoa. 16:13

Nai ani ebuni Etau ŋolo irworo ŋuna a kire, ikiyoori iyes nakiro daadaŋ ŋuna a kire; anerae nyirwori iŋes aŋuna ka apedor keŋ bon, nai ebuni iŋes akirwor ŋuna iirarit, nabo ikilimokini iyes ŋuna epote.

Yoa. 6:45

Igirit ekadwaran epei ebe, ‘Ebuni Akuj akitatam ŋituŋa daadaŋ.’ Ŋulu iirarete Papa, toyenut aneni kaŋ, epote neni kaŋ.

Ŋirom. 8:14

Ŋituŋa daadaŋ ŋulu erikit Etau ŋolo ka Akuj, ikes erae ŋidwe ŋulu ka Akuj.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”