Ŋikiru. 25:2 - Ebaibul

² Okoe Akuj kaŋ, neni kon iŋes ekinyomit ayoŋ; nyikimyek ayoŋ ekesirumyo ŋileec; nyicamak ŋimoe kaŋ ekelout ayoŋ.

Ŋikiru. 25:2 Iomraidhean Croise

2 Ŋakiro a ŋirwa 13:18

Apotu ŋasigarya a Yudaya toreut Ŋisirael apaki ŋin, anerae ekinyomito ŋasigarya a Yudaya Ekapolon Akuj atapapaa kec.

Ŋikiru. 13:5

Nai abu ayoŋ ekinyom amina kon ŋina nyiryaŋiryaŋa; eyakaun alelyanu lotau kaŋ aŋuna ikiunia iyoŋ ayoŋ.

Ŋikiru. 142:6

Topupok akigworo kaŋ, anerae eketapapanun ayoŋ. Toiunae ayoŋ aneni a ŋikesicanak kaŋ, anerae egogoŋ ikes nooi akilo ayoŋ.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 22:1

Akuj kaŋ, Akuj kaŋ, kaanukiro ikiesikinia iyoŋ ayoŋ? Kaanukiro ilwania iyoŋ aneni kaŋ akiŋarakin ayoŋ, kori akiirar ŋakiro ŋuna ekegworonokinio ayoŋ iyoŋ?

Ŋikiru. 22:5

Apotu ikes ikikaloikis iyoŋ, ido ibu iyoŋ toiu ikes; apotu ikes ikikinyoma iyoŋ, ido aponi nyisirumi ikes ŋileec.

Ŋikiru. 22:8

ebasi, “Ikinyomit iŋes Ekapolon; kimyekisi Ekapolon toiu iŋes; kimyekisi Ekapolon tolaku iŋes, anerae emina Ekapolon iŋes.”

Ŋikiru. 31:1

Okoe Ekapolon abunit ayoŋ neni kon aryamun aiuno; nyikimyek ayoŋ ekesurumyo ŋileec; toiunae ayoŋ anakiyookino kon.

Ŋikiru. 31:15

Nakan kon eyai akiyar kaŋ; toiunae ayoŋ alomoe kaŋ, a ŋulu ekemanito ayoŋ.

Ŋikiru. 31:2

Topupok ŋakiro kaŋ; toiunae ayoŋ atipei. Toruwor aneni kaŋ ataaba ŋina aiunor ayoŋ, toruwor aduketait ŋina ajio ayoŋ alotooma ikotere aiun.

Ŋikiru. 34:8

Kikatakisi, iyenunete iyes atemar ejok Ekapolon, erereŋ ituŋanan ŋini elosi aiuno neni ke Ekapolon.

Ŋikiru. 37:40

Iŋarakini Ekapolon ka elakununui ŋulu iyookino; elakununui ikes aneni a ŋulu aronok, ido eiununui ikes, anerae erae neni ke Ekapolon eloseneneete ikes aiunor.

Ŋikiru. 41:11

Ayenuni ayoŋ atemar ilakara iyoŋ aŋuna kaŋ, anerae nyilouna ŋimoe kaŋ ayoŋ.

Ŋikiru. 56:1

Okoe Akuj, kisyonitetei ayoŋ, anerae ekesicanito ayoŋ ŋituŋa; ekesicanito ayoŋ ŋimoe apaaran jwii.

Ŋikiru. 7:1

Okoe Ekapolon Akuj kaŋ, neni kon iŋes aiunor ayoŋ, toiunae ka tolakunae ayoŋ aneni a daadaŋ a ŋulu ekemanito ayoŋ;

Ŋikiru. 71:1

Okoe Ekapolon, abunit ayoŋ neni kon aryamun aiuno; nyikimyek ayoŋ ekesurumyo ŋileec.

Ŋikiru. 91:2

Atemari ayoŋ neni ke Ekapolon, “Irae iyoŋ neni aiunor ayoŋ ka aduketait ŋina ajio ayoŋ; irae iyoŋ Akuj kaŋ ŋina ekinyomit ayoŋ.”

Ŋikiru. 94:3

Okoe Ekapolon, apaki ŋina etya ai erubakiniata ŋulu aronok? Apaki ŋina etya ai erubakiniata ikes elakara?

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 37:10

“Tolimokisi erwosit Esekia erwosit ŋolo a Yudaya atemar, nyicamak Akuj kon ŋina ikinyomit iyoŋ ikimodikini iyoŋ aŋuna irworor ebe, nyipotokinio Yerusalem napedor a erwosit ka Asiriya.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 37:35

Euryari ayoŋ etaun lo oiu, aŋuna kaŋ a elope ka aŋuna a Daudi a eketiyan kaŋ.”

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Ŋirom. 10:11

Ebasi Ŋakigireta ebe, “Ŋinituŋanan enupi iŋes, nyirumete ŋileec jik.”

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

1 Pet. 2:6

Anerae ebasi Ŋakigireta ebala Akuj, “Topupokisi! Ewuak ayoŋ amoru tooma Sion, amoru ŋina itogogoŋit akai alokoona, ŋina eseunitae, ŋina epol egyelit. Iŋes ŋini enupi iŋes, nyisurumyo ŋileec.”