Ŋikiru. 25:10 - Ebaibul

¹⁰ Itenit Ekapolon anamina ka anakikinyoma daadaŋ ŋulu iwuapito acamunet keŋ ka ŋuna elimunit iŋes.

Ŋikiru. 25:10 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 24:27

tema, “Toyai arereŋu neni ke Ekapolon, Akuj ka Aburaam a ekapolon kaŋ, a ŋolo eriŋa eyakar amina keŋ ŋina nyiryaŋiryaŋa ka akikinyomit keŋ neni ke Ekapolon kaŋ. Ani eruwor ayoŋ, adau ekapolon akitenun ayoŋ kai a eyenet a ekapolon kaŋ.”

Akisy. 5:24

Kiboi Enok iwuapit Akuj, nai toŋopiya, anerae abu Akuj ya iŋes nakuj.

2 Sam. 15:20

Ariŋa iyoŋ bien idoluni ne, ido ekokini ayoŋ akacamakini iyoŋ apaki na alosit ka isua neni daadaŋ alosi ayoŋ ai? Toboŋo, kinyaka ŋiyeneta kon. Elipi ayoŋ Ekapolon itominak iyoŋ a amina keŋ a ŋina nyiryaŋiryaŋa, toruwor ŋolo ikinyoma aneni kon.”

Ŋikiru. 138:7

Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

Ŋikiru. 33:4

anerae iyookino akirot ke Ekapolon, ikinyoma ŋiticisyo keŋ daadaŋ.

Ŋikiru. 40:11

Nyiwou akisyon ayoŋ, okoe Ekapolon; elipi ikiu iyoŋ ayoŋ jwi jwi aŋuna ka amina kon ka aŋuna ka akikinyoma kon;

Ŋikiru. 50:23

Eketopoloorito ayoŋ ŋituŋa ŋulu eponeneete alakara neni kaŋ ituruworito alakara kec amuronot neni kaŋ; ikes ŋulu iwuapito ŋakiro ŋuna ka akiyookino, etoodikini ayoŋ ikes aiuno kaŋ.”

Ŋikiru. 57:3

Eboŋokini iŋes ŋakiro kaŋ anakuj, ido okoiu ayoŋ, isurumi iŋes ŋileec ŋulu ekesicanito ayoŋ. Iyakuuni Akuj neni kaŋ amina keŋ ŋina nyiryaŋiryaŋa ka akikinyoma keŋ.

Ŋikiru. 85:10

Eyakaun amina ka Akuj neni a ŋulu ikinyoma, einakini Akuj ekisil neni a ŋulu iyookino,

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 91:14

Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

Ŋikiru. 98:3

Abu Akuj nyilocok akiikinet keŋ neni a Ŋisirael, alotooma amina keŋ ŋina nyiryaŋiryaŋa ka akikinyoma keŋ. Aanyuwasi ŋituŋa daadaŋ anakwapin akiloun ŋina ka Akuj yok.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Ŋitic. 10:35

nai ecamuna aneni keŋ ituŋanan ŋini ekerit iŋes alobukui a daadaŋ, kitiyae ŋakiro ŋuna iyookino.

Ŋirom. 2:13

Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.

Yak. 5:11

Topupokisi! Ikibala iwon erereŋ ŋulu apotu totitinyikis. Iirasi iyes atitinyikinit ŋina a Yob ka iyenete iyes epite ŋolo abunio Akuj kiterereŋio iŋes ekaku, anerae isyoniono ka etimoono Ekapolon.