Ŋikiru. 23:4 - Ebaibul

⁴ Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 23:4 Iomraidhean Croise

Yob 24:17

Erae akiryonut cuc aneni kec a daadaŋ ataparacu; anerae nyeriŋa ikes ebulenene iryoniar akwap.

Yob 3:5

Elipi toruwor akoloŋit ŋin ŋina ka akiyaloloŋ ka ŋina iryonia akwap cuc, elipi torapuwasi ŋidouwon akwap akoloŋit ŋin; elipi toyakaun akiryonut ŋina etubulon akoloŋit ŋin.

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Ŋikiru. 118:6

Ikwapei eyakar Ekapolon diyete kaŋ, emam akuryanu eyai neni kaŋ. Anukiro epedorete ŋituŋa akitiya neni kaŋ?

Ŋikiru. 138:7

Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

Ŋikiru. 14:5

Ikes nai ŋul, abul ikes nooi, anerae erukito Akuj ka ŋulu iyookino.

Ŋikiru. 3:6

Nyakuryaniar ayoŋ tari aŋuna a ŋituŋa a ŋulu alalak nooi, a ŋulu atukut akiman ayoŋ alowaetin kaŋ a daadaŋ.

Ŋikiru. 44:19

Nai ikiesik iyoŋ isua ikwa ŋamesekin ŋuna imyekinitae aneni eya ŋikweei, ikiesik iyoŋ isua anakiryonut a ŋina iryono cuc.

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sakar 11:10

Abu nai ayoŋ olemu ebela ŋolo enyaritae “Ajokis” ido obil aŋuna ka akikisar acamunet ŋina abu ayoŋ ocamunotor ka ŋakwapin daadaŋ.

Sakar 11:14

Ekaku, abu ayoŋ obil ebela ŋolo a ŋiarei ŋolo anyaritae “Akimorikina”, ido abu akimorikina a Yudaya ka Isirael tomunaar.

Sakar 8:23

Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

2 Tim. 4:22

Toyai Ekapolon lotau kon! Toyai neni kus daadaŋ ajokis ŋina ka Akuj.