28 anerae erae Ekapolon erwosit, ipukat iŋes ŋakwapin.
Ibu iyoŋ tosub ŋituŋa daadaŋ, aŋun epote ikes akilip neni kon, okoe Ekapolon; epote ikes akitopoloor ekiro kon;
Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.
Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.
Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.
Aponi inakinae iŋes apukan ka apolou ta arwosiyo, ikotere itiyanakineta iŋes ŋituŋa daadaŋ, ŋakwapin ka ŋituŋa ŋulu irworosi ŋaŋajepa ŋuna egelegelya. Erae apukan keŋ ŋina a ŋikaru ka ŋikaru, ŋina nyedaun ka nyemunaaryo apukan keŋ.”
Itipeiyorete ŋikaiunak, lomukura ŋolo a Sion, kipukata Edom, ido eruwor Ekapolon elope erae Erwosit.”
Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.
Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.
Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’
Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”
