Ŋikiru. 21:6 - Ebaibul

⁶ Iinak iyoŋ iŋes ŋarereŋisyo ŋuna a ŋikaru ka ŋikaru; ituruwo iyoŋ iŋes ŋolo elelyani aŋuna irukitotor iyoŋ ka iŋes,

Ŋikiru. 21:6 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

2 Sam. 7:9

Arukitoe iwon ŋinapei aneni daadaŋ ibu iyoŋ tolot, ido amunya ayoŋ ŋimoe kon daadaŋ ŋulu eriwokina kiŋaren kon. Eturuwori ayoŋ ekiro kon ŋolo eyenen nooi, kikwaanikin ka ŋirorwa a ŋarwonita anakwap.

1 Ŋakiro a ŋirwa 17:27

Elipi tolakar iyoŋ kiterereŋ ekal a eketiyan kon, ikotere erubakinete erae ŋulu kon, anerae iyoŋ okoe Ekapolon, idau akiterereŋ ikes ka erereŋioto ikes ŋikaru ka ŋikaru.”

Ŋikiru. 16:11

Ikitoodik iyoŋ ayoŋ erot ŋolo elosi nakiyar; alelyani ayoŋ nooi aŋuna ikirukitor ka ayoŋ; ani iapi iyoŋ aneni kaŋ, alakara ayoŋ ŋirwa daadaŋ ŋulu ka akiyar kaŋ.

Ŋikiru. 43:4

Nen nai alosyo ayoŋ namuroet kon Akuj, neni kon Akuj ŋina ikiinanakini ayoŋ alakara. Ekepuri ayoŋ iyoŋ arami agita, okoe Ekapolon Akuj kaŋ, Akuj ŋina elipi ayoŋ neni keŋ.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Ŋitic. 2:28

Ikitoodik iyoŋ ayoŋ ŋirotin ŋulu elosete nakiyar ka eketelelyani ayoŋ nooi neni ikirukitor ka iyoŋ.’

Ŋitic. 3:26

Aŋun, abu Akuj toseu eketiyan keŋ, kiyaku mono neni kus akiterereŋ iyes; kibelekinos iyes daadaŋ alopitesyo kus a ŋulu aronok.”

Ŋigal. 3:14

Abu Kristo kitiya ŋun, ikotere alotooma keŋ einakinio ŋituŋa ŋulu nyerae Ŋiyudayan ŋarereŋisyo ŋuna abu Akuj kiik neni ka Aburaam, ikotere nai toryamunere iwon ŋulu ikinupit Kristo Etau ŋolo ikiikinit Akuj.

Ŋigal. 3:9

Aŋun, ŋulu daadaŋ enupete ikwa Aburaam, iterereŋio ikwa iŋes.

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.