Ŋikiru. 21:3 - Ebaibul

³ anerae ibu iyoŋ kisiryam iŋes inak ebari; ibu iyoŋ kiwuak ebokot ŋolo ke egolid nakou keŋ.

Ŋikiru. 21:3 Iomraidhean Croise

2 Sam. 12:30

Tolacu Daudi ebokot ŋolo anapit Milikom anakou. Arae apotis a ebokot a ŋol ŋakiloi a egolid ŋuna aapiyarito 34, ido ewuakinitae tooma keŋ amoru ŋina epol egyelit. Abu Daudi kiwuak amoru ŋin lobokot keŋ a elope. Abu Daudi yau tari ŋiboro ŋulu alalak nooi, ŋulu aŋatuni iŋes alotaun a ŋol.

2 Sam. 2:4

Apotu nai ŋituŋa alo Yudaya potu Eburon, kituruwosi Daudi a nen erwosit ŋolo a Yudaya. Ani elimokinete ikes Daudi ŋakiro nu ebe, “Arae ro ŋituŋa a Yabes-Gilead apotu tonuka Saul,”

2 Sam. 5:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ.

1 Ŋakiro a ŋirwa 20:2

Tolacu Daudi ebokot ŋolo anapit Milikom. Arae apotis a ebokot a ŋol ŋakiloi a egolid ŋuna eapiyarito ŋatomoniuni ka ŋaomwon, ido esibusitae ebokot ŋol a amoru a ŋina epol egyelit. Abu Daudi kiwuak amoru ŋin lobokot keŋ a elope. Abu Daudi yau tari ŋiboro ŋulu alalak nooi ŋulu aŋatuni iŋes alotaun a ŋol.

2 Ŋakiro a ŋirwa 6:41

Tonyou tokona, okoe Ekapolon Akuj, ido tolot nakibois ŋina emaikina iyoŋ kiboiyo, iyoŋ kaapei ka Asaduku ŋina ka Acamunet a ŋina ka apedor kon. Okoe Ekapolon kiterereŋ ŋisacaradotin kon alotooma daadaŋ ŋuna itiyaete, kimyek ŋituŋa kon daadaŋ tolakaros aŋuna ka ajokis kon neni kec.

Yob 41:11

Ŋae epedori akitijikin Lepiasan, ido toyar? Ŋae alotooma akwap daadaŋ ŋini epedori akitijikin iŋes?

Ŋikiru. 18:18

Apotu ikes ekesiiryakis ayoŋ neni aronon akoloŋit ŋina ayakar ayoŋ locan, nai abu Ekapolon okoiu ayoŋ.

Ŋikiru. 20:5

Ikiceluni nai isua aŋuna ilounia iyoŋ ŋimoe kon, ikikyaari isua ŋabenderae kosi ikipuro Akuj kosi. elipi atemar ikiinak iyoŋ Ekapolon ŋuna iŋita iyoŋ daadaŋ.

Ŋikiru. 31:19

Epol nooi ajokis aŋiboro a ŋulu ajokak, Ŋina idaritor iyoŋ ŋulu ikitopoloorito iyoŋ, eyenete ŋituŋa daadaŋ ajokis kon ka idau iyoŋ akitoodikin neni a ŋulu ikikinyomito iyoŋ.

Ŋikiru. 59:10

Ebuni neni kaŋ Akuj kaŋ anamina keŋ a ŋina nyiryaŋiryaŋa aiun ayoŋ, ekesiŋolikini iŋes ayoŋ ŋimoe kaŋ ebwaŋio.

Ŋirom. 11:35

Ŋae mono ainaki idiobore neni keŋ, ikotere nai iŋes inyaŋari?”

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

Akis. 19:12

Ekote ŋakonyen keŋ arira ka anapit ŋatoryet ŋuna alalak. Egiritae ekiro neni keŋ, nai amam ituŋanan ŋini ayeni, mati elope.

1 Sam. 16:13

Tolemu nai Samuel amomwara ŋina ayai akimyet, kiosak akimyet lodya alokiŋaren ŋikaitotoi keŋ. Ameun akoloŋit ŋin, abu etau ŋolo ke Ekapolon min neni a Daudi nooi. Torotok nai Samuel a nen toboŋo Rama.