Ŋikiru. 20:7 - Ebaibul

⁷ Ikinyomito ŋice ŋagaari ka ŋice ŋaŋolei, nai ikikinyomit isua Ekapolon Akuj kosi.

Ŋikiru. 20:7 Iomraidhean Croise

2 Sam. 10:18

Nai apotu tobwaŋas alokiŋaren Ŋisirael, toara ata Daudi Ŋiarameani ŋajorei ŋakanikaarei ŋulu ameto ŋaŋolei ka ŋalipyo ŋatomoniomwon ŋulu alosete a ŋakejen. Apotu ata Daudi toara tari Sobak, ekarikon a ajore a Ŋiarameani, kidoŋok lokiryam nen.

2 Sam. 8:4

Abu Daudi kikama aneni ka Adadeser ŋikilyok aliput ka ŋamiae ŋakanikaarei ŋulu adokito ŋaŋolei ka ŋulu alosete a ŋakejen ŋalipyo ŋatomoniarei. Kiŋwal Daudi ŋaŋolei kec ŋuna erito ŋagaari, toŋedeŋede ŋamori a ŋakejen kec; kimyek ŋuna iriyarete ŋagaari amiat bon.

2 Ŋakiro a ŋirwa 13:16

Apotu Ŋisirael tobwaŋas alokiŋaren ŋasigarya a Yudaya, inak Akuj ŋasigarya a Yudaya akiloun Ŋisirael.

2 Ŋakiro a ŋirwa 14:11

Kilip Asa neni ke Ekapolon Akuj keŋ tema, “Okoe Ekapolon, nyityakatyakat iyoŋ ŋituŋa akiŋarakin ŋulu ejioko ka ŋulu nyejioko, kiŋarakinae isua, okoe Ekapolon Akuj kosi, anerae neni kon ikiyarikinit isua, aponi isua alokiro kon akitijiore ŋituŋa ŋulu alalak lu. Okoe Ekapolon, irae iyoŋ Akuj kosi; nyicamak ituŋanan idio ikilouni iyoŋ.”

2 Ŋakiro a ŋirwa 32:8

Eyakar iŋes apedor ŋina a ituŋanan bon, nai iwon ikiyakar Ekapolon Akuj yok ŋina ikiŋarakini iwon, ŋina eji aŋuna yok alojiesyo yok a daadaŋ.” Abu nai atitinyu min lotuŋa a ŋakiro a ŋuna erworo Esekia erwosit a Yudaya.

Yob 39:11

Ipedori iyoŋ akikinyom iŋes bon, anerae egogoŋ iŋes a? Ido ijalakini iyoŋ iŋes kitiya ŋiticisyo aŋuna kon a?

Ŋikiru. 28:8

Ekapolon iŋes erae agogoŋ a ŋituŋa keŋ; iŋarakini ka eiuni iŋes erwosit ŋolo abu iŋes toseu.

Ŋikiru. 45:17

Eketurubakini ayoŋ iyoŋ aloete a lo ikitamunitae ananyameta a daadaŋ; aŋun, ikipurete iyoŋ ŋituŋa ŋikaru ka ŋikaru.

Ŋakit. 21:31

Epedori ituŋanan akoloŋit ŋina ke ejie akitemokin aŋole keŋ, nai Ekapolon einakini ituŋanan ŋin akiloun ŋimoe keŋ.

Isa. 30:16

ido tolimut temasi, “Mam, nyikiemi isua ikidokit ŋaŋolei.” Aŋun iemete iyes! ido temasi nabo, “Ikiemi isua edokitae ŋaŋolei ŋuna apiranak.” Aŋun, ikiwuapete iyes ŋimoe kus ekerete akilo iyes!

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Yer. 17:5

Ŋakiro ŋuna irworo Ekapolon ikes nu, “Icenen daadaŋ ŋulu ikinyomito ŋituŋa koŋin, ŋulu ituruworito ŋituŋa koŋin agogoŋu kec, ŋulu nyikinyomito alotai kec Ekapolon.

1 Sam. 13:5

Tocunakinos Ŋipilistin akitijiore Ŋisirael, ayakatar ikes ŋagaari ŋalipyo ŋatomoniuni ŋuna eritae a ŋaŋolei ka ŋikajiok ŋalipyo ŋakanikapei ŋulu adokito ŋaŋolei ta ŋajorei ŋuna ekwaan elalak ka asinyon alokipetot ka anam. Apotu ikes toloto kiboiyosi Mikimas Kide Bes-Apen.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”