6 “Ewuak ayoŋ erwosit kaŋ Sion, lomukura kaŋ ŋolo asegan.”
Eropari apukan kon, okoe Akuj ŋikaru ka ŋikaru; ipukat iyoŋ ŋituŋa kon anakiyookino.
Ecai Akuj alo Sion, alotaun a ŋolo ibus nooi.
nai abu toseu ekabila a Yuda, toseu emoru Sion ŋolo abu iŋes tominak nooi.
Eturuwori daŋ ayoŋ iŋes lokoku kaŋ ŋolokiyae ka eturuwori ayoŋ iŋes erwosit ŋolo itopolooritae nooi alorwosi a ŋulu ka akwap.
Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.
Abu Ekapolon Akuj kirwor ŋakiro nu, “Ayoŋ elope abuni atubun atalijeit ŋina iwasi alokidiama ekitoe ŋolo a Cedar; adupakini ayoŋ atalijeit ŋin; atubuni ayoŋ atalijeit ŋina anonokan ŋin oya odupak lomoru ŋolo aoyan.
Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.
Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.
Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.
Abu Akuj kiwuak ŋiboro daadaŋ kwap ŋakejen a Kristo ka inak iŋes ŋolo epolokinit ŋiboro daadaŋ.
Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.
Abu eŋolik oanyuwa Imesek ewuoi alomoru a ŋolo enyaritae Sion; arukito ka ŋituŋa ŋalipyo amiat ka ŋatomoniomwon ka ŋiomwon, ŋulu egiritae ekiro a Imesek ka ŋolo a Papa keŋ loreetin kec.
