Ŋikiru. 19:8 - Ebaibul

⁸ Iyookino ŋikisila ŋulu ke Ekapolon, einakinito alakara neni a ŋulu iwuapito ikes. Ileerete ŋakiciketa ŋuna ke Ekapolon, itacaununeete ŋatameta.

Ŋikiru. 19:8 Iomraidhean Croise

Akisy. 26:5

aŋuna abunio Aburaam kiwuap ŋakiro kaŋ ka kiyook ŋuna abu ecikak iŋes ikwapei; ŋakiciketa kaŋ, ŋakiro ŋuna abu otub ka ŋikisila kaŋ.”

2 Ŋirw. 17:37

Kiricito jwi jwi ŋikisila ka ŋakiciketa ŋuna abu iŋes kigir aŋuna kus. Nyilipeneneete ŋakujo ŋace.

Neem. 8:12

Apotu nai ŋituŋa daadaŋ toloto lorerya kec akimuj ka akimat, inanakis ŋamuja ŋace neni a ŋulu amam ibore etemokinito akimuj ka tolelyana nooi, anerae apotu toyenut ŋakiro ŋuna alimokinio ikes.

Neem. 9:13

Ibu daŋ iyoŋ totiyaun kidiama emoru Sinai, kirwor neni kec alokidiama, ido iinaki ikes ŋakiro ŋuna iyookino, ŋikisila ŋulu a kire, ŋakiro ŋuna itubunit iyoŋ ŋuna ajokak ka ŋakiciketa,

Ŋikiru. 105:45

Abu Akuj kitiya ŋun, ikotere iwuapete Ŋisirael ŋakiro ŋuna etubunit Akuj ka ŋikisila keŋ. Kipuroe Ekapolon!

Ŋikiru. 111:7

Erimaana ka iyookino iŋes alotooma ŋiticisyo keŋ daadaŋ. Erae ŋakiciketa keŋ daadaŋ ŋuna ikinyoma.

Ŋikiru. 119:105

Erae akirot kon etaa ŋolo inwakunit neni alosyo ayoŋ ka arae akica alorot kaŋ.

Ŋikiru. 119:12

Akipuro toyai neni kon, okoe Ekapolon; kitatamae ayoŋ ŋakiro ŋuna itubunit iyoŋ.

Ŋikiru. 119:121

Adau ayoŋ akitiya ŋuna iyookino ka ŋuna ajokak nyikimyek ayoŋ anapedor a ŋulu ekesicanito ayoŋ.

Ŋikiru. 119:128

Kire jik, ewuapit ayoŋ ŋakiciketa kon daadaŋ; aŋerit ayoŋ ŋipitesyo a ŋulu aronok daadaŋ.

Ŋikiru. 119:130

Epite ŋolo isileereunitere ŋakiro kon, ikiinakinete apiiryanut; einakinete apiiryanut neni a ŋulu emam ŋuna eyenete.

Ŋikiru. 119:14

Aryamunit ayoŋ alakara anakiwuapit ŋakiro ŋuna itubunit iyoŋ, lopite ŋolo elakaror ituŋanan alobari a daadaŋ.

Ŋikiru. 119:143

Adau ayoŋ aryamun ŋican ka aryeba, nai akainakinito ayoŋ ŋakiciketa kon alakara.

Ŋikiru. 119:16

Alakara ayoŋ anakiwuapit ŋakiro ŋuna itubunit iyoŋ, nyekemuryakini ayoŋ akirot kon.

Ŋikiru. 119:171

Ekepuri ayoŋ iyoŋ jwi jwi, anerae ikitatami iyoŋ ayoŋ ŋakiro ŋuna itubunit iyoŋ.

Ŋikiru. 119:24

Ŋakiro ŋuna itubunit iyoŋ ikes erae alakara kaŋ, ikes eketatamete ayoŋ.

Ŋikiru. 119:40

Acamit ayoŋ nooi akiwuap ŋakiciketa kon; kiteteu akiyar kaŋ anakiyookino kon.

Ŋikiru. 119:54

ŋakiro ŋuna itubunit iyoŋ ikes aeo ayoŋ aneni daadaŋ eboikin.

Ŋikiru. 119:80

Elipi tomam ŋuna eketoroniyaritere ayoŋ alotooma ŋakiro ŋuna itubunit iyoŋ, ikotere ayoŋ nyekesurumi ŋileec.

Ŋikiru. 119:92

Kerae nyalakara ayoŋ anakiwuapit ŋikisila kon, keridakinit ayoŋ aŋuna a ŋican kaŋ.

Ŋikiru. 12:6

Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Ŋikiru. 13:3

Okoe Ekapolon Akuj kaŋ, totamatama ŋun, ido itoboŋok ayoŋ. Kinyakakinae ayoŋ agogoŋu kaŋ, nyikimyek ayoŋ atwani,

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Ŋikiru. 93:5

Okoe Ekapolon, erae ŋikisila kon ŋulu a jik, erae Akai kon ŋina asegan ŋikaru ka ŋikaru.

Awos. 18:16

Apaki daadaŋ ŋina eyakatar ikes ebura, eponeneete ikes neni kaŋ otub ayoŋ ŋakiro a ŋulu iburaete, ido olimok ikes ŋikisila ka ŋakiciketa ŋuna ka Akuj.”

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Ŋakit. 30:5

Isiyoonokini Akuj ŋakiro keŋ daadaŋ; erae Akuj aupal a daadaŋ a ŋulu elosete aiuno neni keŋ.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Isa. 64:5

Ibunene iyoŋ akiŋaranakin ŋulu itiyaete ŋuna iyookino, ŋulu etamunito akiwuapit ŋakiro kon. Nai ibu iyoŋ toŋo, ido aponi isua tosecae, aŋuna ibunio iyoŋ kiwua ereet kon, aponi isua tobilae ŋikisila.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 7:22

Elakara ekaatau nooi aŋuna a Ŋikisila a ŋulu eponito aneni ka Akuj.

Ŋirom. 7:7

Ikitemari nai tokona iwon Ŋikisila ikes erae asecit a? Mam jik! Nai arae Ŋikisila apotu eketeyenut ayoŋ ibore ŋini erae asecit. Pa kayenunit ayoŋ atemar erae akiŋobel icebore, kerae nyebasi Ŋikisila ebe, “Nyiŋobel.”

Ŋigal. 2:19

Nai tokona, alotooma ŋuna ikamunito Ŋikisila, ekoni ayoŋ ituŋanan ŋini etwanit--Ŋikisila ŋilopeyek etiyata ŋun--ikotere nai oyar ayoŋ aŋuna ka Akuj. Adaun akiar ayoŋ ka Kristo alomusalaba keŋ.

Ŋigal. 3:21

Apolou mono a ŋakiro a ŋun atemar itepegito Ŋikisila ŋakiikineta ŋuna ka Akuj a? Mam jik! Anerae ani kerae toryamunite ituŋanan Ŋikisila ŋulu epedorete ayaun akiyar, kepedo nai ŋinituŋanan aruwor ŋini iyookino alokiŋaren Akuj aŋuna ka akiwuapit Ŋikisila.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:14

Tolelyana anasuban kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi, ŋigelaanotin, ŋikokyok ka ŋapuseru, ŋituŋa ŋulu iboiyete alotaunio kus.